Xəzinə tapmaq üçün meşəni yandırdılar - VİDEO

İzmirin Bornova bölgəsində baş verən meşə yanğınının insanların icazəsiz qazma işləri nəticəsində baş verdiyi müəyyən edilib.

Sonxeber.az türk mediasına istinadən xəbər verir ki, hadisə ərazidəki kamera qeydlərinin araşdırılması nəticəsində ortaya çıxıb. Belə ki, yanğından sonra ərazini incələyən polis qrupları hadisə yerində təxminən 3 metr dərinliyində bir çuxur aşkar edib. Araşdırma zamanı yanğının bu nöqtədə icazəsiz qazıntılar zamanı çıxdığı müəyyən edilib. Daha sonra ərazidən çəkilmiş kamera görüntülərinə baxış keçirilib.

Hadisə zamanı qanunsuz qazıntı ilə məşğul olduğu müəyyən edilən 5 nəfər saxlanılıb. Onlar bu əməli xəzinə axtardıqarı üçün törətdiklərini etiraf ediblər.

Şübhəlilər gətirildikləri məhkəmə tərəfindən həbs edilib.

Telegramda izləyin