Mal-qaraya görə həyatını riskə atdı: Üç uşaq atasının minaya düşməsinin TƏFƏRRÜATI - VİDEO

Mayın 31-də Goranboy rayonunun Yenikənd kəndi ərazisində mina partlayışı nəticəsində 45 yaşlı Qalib Abbasov xəsarət alıb.

Hadisə rayonun Qaraçinar kənd sakini olan Abbasovun mal-qarasını axtarmaq üçün kəndin ətraf ərazilərinə getdiyi zaman baş verib. Yaxınlarının bildirdiyinə görə, heyvanlar əvvəlcədən ərazidən keçib qaçıblar. Qalib Abbasov isə onların ardınca gedərkən minaya düşüb:

"Mal qaçıb. Qalib də malın arxasınca qaçanda minaya düşüb. "Öldüm, gəlin məni götürün", - deyə qışqırıb.

Yaxınları onu dərhal maşına mindirərək Goranboy Rayon Mərkəzi Xəstəxanasına çatdırıblar.

Qohumlarının sözlərinə görə, Qalib Abbasov ailəsini dolandırmaq üçün bir neçə baş mal saxlayırmış: "Sadəcə uşaqlarını saxlamaq üçün beş-altı baş mal saxlayırdı. Çətinliklə dolanırdı".

Üç uşaq atası olan Qalib Abbasov uzun illərdir ki, Qaraçinar kəndində yaşayır və təsərrüfatla məşğul olur.(oxu.az)

Ətraflı Baku TV-nin süjetində:

Telegramda izləyin