Ana 4 yaşlı oğlunu yaralayıb, özünü öldürməyə cəhd etdi

Mersin şəhərinin Toroslar rayonunda yerləşən Çukurova məhəlləsində qorxulu hadisə baş verib.

Sonxeber.az türk mediasıan istinadən xəbər verir ki, iki mərtəbəli evdə yaşayan H.Y. (38), 4 yaşlı oğlu A.T.Y.-ni bıçaqla yaraladıqdan sonra özünü öldürməyə cəhd edib.

Hadisə, ailə başçısının işə getməsindən sonra evdən gələn çığlıq səslərini eşidən qonşuların müdaxiləsi ilə aşkara çıxıb. Onlar evi qan içində taparaq dərhal 112-yə məlumat veriblər. Hadisə yerinə gələn təcili tibbi yardım qrupları ana və oğlunu xəstəxanaya çatdırıblar. Polisin araşdırması isə davam edir.

Oğulun vəziyyətinin yaxşı olduğu, ananın isə həyati təhlükəsinin davam etdiyi bildirilib. Araşdırmalar zamanı məlum olub ki, 30 dekabr 2022-ci ildə ailənin 13 yaşlı qızı Fatma Nisa Y., məktəbdə sinif yoldaşı tərəfindən bıçaqlanaraq öldürülüb. Ananın bu faciədən sonra psixoloji problemlər yaşadığı qeyd olunur.

Telegramda izləyin