Əvvəl başına vurdu, sonra boğazını kəsib öldürdü

Aksarayın Gülağaç rayonuna bağlı Saratlı qəsəbəsində Y.Y. və dostu Veysel Tekin axşam saatlarında bir parkda içki içməyə başlayıblar.

Sonxeber.az türk mediasına istinadən xəbər verir ki, bir müddət içki içdikdən sonra, iki dost arasında keçmişdə yaşanan bir hadisə səbəbilə mübahisə yaranıb. Alkoqolun təsiri ilə qısa zamanda mübahisə davaya çevrilib. Bu zaman Y.Y. əlindəki şüşə butulkanı Veysel Tekinin başına vuraraq sındırıb. Aldığı zərbə nəticəsində yerə yıxılan Veysel Tekini Y.Y., sındırılmış şüşə ilə boğazından kəsərək yaralayıb.

Ağır yaralanan Veysel Tekin qanlar içində yerə yıxılıb. Hadisəni görən ətrafdakı vətəndaşlar dərhal 112 Təcili Çağrı Mərkəzinə məlumat veriblər. Şikayət əsasında hadisə yerinə polis və təcili tibbi yardım briqadaları cəlb edilib. Təcili yardım briqadaları ağır yaralanan 43 yaşlı Tekini Aksaray Təhsil və Araşdırma Xəstəxanasına aparıblar. Həkimlərin bütün səylərinə baxmayaraq, Tekin həyatını itirib.

Polis hadisəni törədən 64 yaşlı Y.Y.-ni saxlayaraq nəzarətə alıb. Hər hansı xoşagəlməz hadisənin qarşısını almaq üçün Jandarma Komando Qrupları qəsəbədə geniş təhlükəsizlik tədbirləri görüblər. Şübhəli Y.Y. Gülağaç Rayon Jandarma Komandanlığına aparılıb. Hadisə ilə bağlı Aksaray Respublika Prokurorluğu tərəfindən istintaq başladılıb.

Telegramda izləyin