Həbsxanadan təzə çıxmışdı, bibisinin əri tərəfindən öldürüldü

İstanbulun Çekməköy rayonunda dəhşətli hadisə baş verib.

Sonxeber.az türk mediasına istinadən xəbər verir ki, cumhuriyyət məhəlləsində, Tuğba küçəsində yerləşən 7 mərtəbəli binada gecə saat 00:00 radələrində faciə yaşanıb. Məlumata görə, bibisinin evinin önünə gələn 32 yaşlı Bayram Ertaş ilə əvvəllər aralarında düşmənçilik olan 65 yaşlı bibisinin əri Halil Çətin arasında hələlik səbəbi məlum olmayan mübahisə başlayıb.

Mübahisə böyüyüb və Halil Çətin silahdan atəş açıb. Qaçmağa çalışan Bayram Ertaş güllə yaralarından əziyyət çəkərək yıxılıb. Hadisə yerindən qaçan Halil Çətin isə polis tərəfindən axtarılır. Qonşular silah səslərini eşidib polis və təcili tibbi yardım xidmətlərinə məlumat veriblər. Təcili tibbi yardım əməkdaşları Bayram Ertaşın hadisə yerində həyatını itirdiyini müəyyən ediblər.

Hadisə yerində araşdırmalar aparıldıqdan sonra Bayram Ertaşın meyiti Məhkəmə-Tibbi Ekspertiza Mərkəzinə göndərilib. Polis qaçan şübhəlini tutmaq üçün əməliyyat davam etdirir.

Məlumatda bildirilir ki, Bayram Ertaşın polis orqanlarında çoxsaylı cinayət qeydləri var və o, həbsxanadan icazə ilə azad olunmuşdu.

Telegramda izləyin