Bir daha xəbər alınmadı: Meşəyə girdi və itkin düşdü - FOTO

İstanbulda bir neçə ay əvvəl memar Ece Gürel-in Belqrad meşəsində itkin düşməsindən sonra oxşar bir hadisə də Pendikdə yaşanıb. Aydos meşəsinə girən bir nəfər itkin düşüb.

Sonxeber.az türk mediasına istinadən xəbər verir ki, Şaban Aksoydan (49 yaş) günorta saatlarından etibarən xəbər ala bilməyən ailəsi, GPS-lə təchiz olunmuş avtomobilinin Velibaba qəsəbəsi Dağ Çiləyi küçəsində park vəziyyətində olduğunu müəyyən edib. Ünvana gedərək ehtiyat açarla avtomobili açan ailə, Aksoy-un mobil telefonunu orada tapıb.

Bundan sonra hadisə barədə 112 Təcili Zəng Mərkəzinə məlumat veriblər.

Əraziyə FHN-in (AFAD), UMKE, polis və xilasetmə qrupları cəlb olunub. Qruplar, Aksoy-un avtomobilinin olduğu əraziyə yaxın meşəlikdə və ətrafında axtarış işlərinə başlayıblar.

Şaban Aksoy-un izinə rast gələ bilməyən qruplar gecə yarısına qədər işləri müvəqqəti olaraq dayandırıblar.

Telegramda izləyin