"Kazinoların açılması ölkə iqtisadiyyatına müsbət təsir edəcək, amma bu o demək deyil ki, ölkəmiz Las Veqas olacaq" - AÇIQLAMA

Son günlər ölkədə kazinolarla bağlı müzakirələrin ardı-arası kəsilmir. Ölkədə kazinoların açılması cəmiyyət tərəfindən xoş qarşılanmasa da, qonşu ölkələrin təcrübəsi göstərir ki, bu sahə düzgün idarə olunanda həm turizmə, həm xidmət sektoruna, həm də məşğulluğa müsbət təsir göstərir.

İqtisadçı ekspert Xalid Kərimli mövzu ilə bağlı Sonxeber.az -a açıqlama verib:

"Kazinoların açılması ölkə iqtisadiyyatına müsbət təsir edəcək, amma bu o demək deyil ki, ölkəmiz Las Veqas olacaq. Kazino əyləncə növüdür. Bunu turizmin inkişafı üçün xüsusi bir amil kimi müəyyənləşdirə bilmərik. Turistlər əyləncəni sevir. Onlar İrana gedib orda əylənə bilməzlər. Biz özümüz də səyahət planlaşdırarkən hansı ölkədə qiymətlər münasibdir, daha çox əylənə biləriksə, ora gedirik. Qatı dini qaydalar, adətlər olan ölkələri seçmirik. Bu baxımdan, kazinoların açılması müsbət faktordur. Amma turistləri cəlb edəcək, yoxsa etməyəcək bu sonranın müzakirə mövzusudur. Mən hesab edirəm ki, ölkədə əyləncənin bütün növləri sərbəst olmalıdır. Hollandiyada, Gürcüstanda nə azadlıqlar varsa, bizdə də eyniləri təmin edilməlidir. Mən bunun tərəfdarıyam. Əgər kazinolar açılacaqsa, bu, bir-iki şəxsin nəzarətində, inhisar formasında yox, rəqabətli və şəffaf şəkildə olmalıdır. Vergi yükü məntiqi səviyyədə saxlanmalı, amma dövlətə sabit gəlir təmin edilməlidir"

Çiçək Sadatova

Telegramda izləyin