Ana və dörd uşağı kartof qızartmasından zəhərləndi

Afyonkarahisarda baş verən zəhərlənmə şübhəsi ailəni xəstəxanalıq edib.

Sonxeber.az türk mediasına istinadən xəbər verir ki, kartof qızartması yedikdən sonra halı pisləşən ana və 3 uşağı təcili tibbi yardımla xəstəxanaya aparılıb.

Hadisə saat 15:00 radələrində şəhər mərkəzində yerləşən Hoca Ahmet Yesevi məhəlləsində, bir binanın zirzəmi mərtəbəsindəki mənzildə yaşanıb. Ana və 4 uşağı kartof qızartması yedikdən bir müddət sonra özlərini pis hiss ediblər.

Ailə öz imkanları ilə evdən çıxaraq 112 Təcili Çağrı Mərkəzinə məlumat verib. Əraziyə polis, AFAD, UMKE və təcili tibbi yardım qrupları göndərilib. İlk tibbi müdaxilə yerində edildikdən sonra ana və uşaqlar zəhərlənmə şübhəsi ilə Afyonkarahisar Dövlət Xəstəxanasına aparılıb.

Ailənin müalicəsinin davam etdiyi, hadisə ilə bağlı araşdırmaya başlanıldığı açıqlanıb.

Telegramda izləyin