"Kısmetse Olur"da gəlin namizədinin sözləri qalmaqal yaratdı - VİDEO

Türkiyənin məşhur realiti şousu "Kısmetse Olur: Aşkın Gücü" yeni mövsümü ilə yenidən tamaşaçı qarşısına çıxıb, lakin ilk bölümlərdən etibarən proqramda mübahisəli anlar gündəmə gəlməyə başlayıb.

Sonxeber.az türk mediasına istinadən xəbər verir ki, iştrakçılardan biri olan Ayla, sevgilisi Cemal ilə bağlı danışarkən qurduğu cümlələrlə sosial mediada böyük etiraz doğurub.

Ayla, Cemalın əsəbləşib divara yumruq atdığı bir anı xatırladaraq həmin davranışa görə özünü günahkar hiss etdiyini deyib və "Kaş ki, bunu mənə etsəydi" ifadəsini işlədib. Onun bu sözləri qısa müddətdə sosial media istifadəçilərinin sərt reaksiyasına səbəb olub. Bir çoxları Aylanın açıqlamalarını "zərərli və sağlam olmayan münasibət modelini normallaşdırmaq" kimi dəyərləndirərək həm proqramı, həm də onun yaradıcı heyətini tənqid edib.

Bundan bir gün əvvəl isə gəlin namizədi Perinaz, tanış olma mərhələsində olduğu Kerem ilə mübahisə yaşayan bəy namizədi Mustafa ilə qarşı-qarşıya gəlmişdi. Gərginliyin artması nəticəsində Perinaz Mustafaya şillə vurmuşdu.

Telegramda izləyin