14-15 yaşlı uşaqlar sevdikləri motosikletləri saniyələr içində oğurladılar - VİDEO

Adananın Yüreğir rayonu, Levent məhəlləsi, Girne bulvarında 30 noyabr tarixində motosiklet satışı edən bir mağazada oğurluq hadisəsi baş verib.

Sonxeber.az türk mediasına istinadən xəbər verir ki, iddiaya görə, dost olan M.H. (14), B.K. (15), İ.A. (15) və E.K. (14) gəzişərkən motosiklet mağazasının qarşısına gəliblər.

Uşaqlar vitrindəki motosikletləri bir-birlərinə göstərdikdən sonra, onlardan biri mağazanın içərisinə keçməyi bacarıb. Digər uşaqlar da ardınca daxil olaraq bəyəndikləri motosikletləri götürərək qaçıblar.

Hadisə anı mağazanın təhlükəsizlik kameralarına anbaan əks olunub. İşçilər səhər mağazaya gəldikdə motosikletlərin əskik olduğunu görüb və kameraları yoxlayaraq polislərə məlumat veriblər.

Polis əməkdaşları kamera görüntülərini incələyərək uşaqların qaçış istiqamətini müəyyənləşdirib və evlərinə gəldiklərini aşkar ediblər. Aparılan əməliyyatla dörd uşaq evlərində tutulub, oğurladıqları motosikletlər isə geri alınaraq mağazaya qaytarılıb.

Polis bölməsindəki əməliyyatlardan sonra uşaqlar məhkəməyə təqdim olunub və hakimin qərarı ilə həbs ediliblər.

Telegramda izləyin