Çörəkçidən alınan çörəyin içindən lezva çıxdı - VİDEO

Türkiyənin Nevşehir şəhərində bir vətəndaşın səhər yeməyi üçün çörəkçidən çörəyin içindən lezva çıxıb.

Sonxeber.az türk mediasına istinadən xəbər verir ki, Muhammet Boyacı’nın atası səhər saatlarında çörək almaq üçün çörəkçiyə gedib. Səhər yeməyi zamanı çörəyi ağzına aparmaq istəyən Muhammet Boyacı çörəyin içində sərt bir cismin olduğunu hiss edib. Çörəyi diqqətlə yoxladıqda isə içindən iri ölçülü lezva çıxdığını görüb və böyük şok yaşayıb.

Hadisə zamanı süfrədə ailə üzvləri ilə yanaşı, azyaşlı - 7 yaşlı qardaşı oğlu da olub. Boyacı bildirib ki, lezvanı son anda fərq etməsəydi, bu təhlükəli cisim ailə üzvlərindən hər hansı birinin ağzına düşə bilərdi.

Məsələ ilə bağlı açıqlama verən Muhammet Boyacı bildirib:
"Bazar günü səhəri ailəmlə birlikdə səhər yeməyi edirdik. Atamın aldığı çörəyin içindən böyük bir lezva çıxdı. Biz çörəyin böyük hissəsini artıq yemişdik. Mən çörəyi ağzıma aparmaq üzrə idim ki, son anda fərq etdim. Anam, atam və 7 yaşlı qardaşı oğlum da süfrədə idi. Onlardan biri bunu fərq etməyə bilərdi. Şükür ki, mən gördüm. Lazımi qurumlara şikayət edəcəyəm".

Hadisə ilə bağlı müvafiq qurumlara müraciət ediləcəyi bildirilib.

Telegramda izləyin