Sevgilisinin keçmiş sevgilisini bıçaqlayraq öldürdü

Adananın Seyhan rayonunda baş verən qanlı hadisədə, keçmiş sevgilisini narahat etdiyi iddia edilən 19 yaşlı Murat İnanmaz gənc qadının yeni sevgilisi ilə yaranan dava zamanı bıçaqlanaraq həyatını itirib. Hadisə ilə əlaqədar 3 nəfər həbs olunub.

Sonxeber.az türk mediasına istinadən xəbər verir ki, hadisə Seyhan rayonuna bağlı Ova məhəlləsində 12 dekabr tarixində baş verib. Məlumata görə, Murat İnanmaz (19) keçmiş sevgilisi Y.S.-ni (19) mobil telefon vasitəsilə tez-tez narahat edib. Y.S. bu barədə yeni sevgilisi A.B.-yə (19) məlumat verib. Bundan sonra A.B. Murat İnanmazla görüşmək istədiyini bildirib. Y.S. isə danışmaq məqsədilə İnanmazı göndərdiyi ünvana dəvət edib.

Göstərilən ünvana gələn Murat İnanmaz Y.S. ilə birlikdə A.B.-nin onu gözlədiyini görüb. Tərəflər arasında başlayan mübahisə qısa zamanda davaya çevrilib. Dava zamanı A.B. Murat İnanmazı bədəninin 10 müxtəlif yerindən bıçaqlayaraq hadisə yerindən qaçıb. Baş verənlər ərazidəki təhlükəsizlik kameraları tərəfindən saniyə-saniyə qeydə alınıb.

Hadisə ilə bağlı daxil olan məlumatdan sonra əraziyə polis və təcili tibbi yardım briqadaları göndərilib. Həkimlər Murat İnanmazın hadisə yerində həyatını itirdiyini müəyyən ediblər. Asayiş Şöbəsinin Cinayətlərə Qarşı Mübarizə Bürosu tərəfindən aparılan araşdırma zamanı S.Ç.-nin (18) şübhəli A.B.-nin gizlənməsinə kömək etdiyi məlum olub.

Polis əməkdaşları A.B.-nin Sarıçam rayonunun Gültepe məhəlləsində bir binada gizləndiyini müəyyən edərək əməliyyat keçirib. Polisi görən A.B. qaçmaq məqsədilə 5-ci mərtəbədəki mənzilin balkonundan 4-cü mərtəbəyə tullanıb. Bu anlar mobil telefon kamerası ilə də qeydə alınıb. Şübhəli tullanaraq daxil olduğu mənzildə yaxalanıb. A.B. ilə birlikdə sevgilisi Y.S. və dostu S.Ç. də saxlanılıb.

Telegramda izləyin