Gənc fenomen dünyasını dəyişdi

TikTok-dakı paylaşımları ilə geniş izləyici kütləsinə sahib olan gənc ulduz Tucker Genalın vəfat etdiyi bildirilib.

Sonxeber.az türk mediasına istinadən xəbər verir ki, Genalın ölüm xəbərini 15 dekabrda qardaşları Carson və Connor Genal Instagram hesabları vasitəsilə paylaşaraq izləyiciləri ilə bölüşüblər. Onlar paylaşımda böyük kədər yaşadıqlarını bildirərək belə yazıblar:

"Haradan başlayacağımı bilmirəm. Sən mənim ən yaxşı dostum və həm də ən gözəl qardaşım idin. Bütün həyatım boyunca sənə heyranlıqla baxdım və izindən getməyə çalışdım, çünki hər zaman mənim qəhrəmanım idin. Bir şeydən əminəm, o da yenidən görüşənədək həyatımın geri qalan hissəsini sənə heyranlıqla baxaraq keçirəcəyəm. Tanıdığım ən yaxşı ürəkli insan və bir insanın istəyə biləcəyi ən gözəl qardaş idin".

Tucker Genalın ölüm xəbəri izləyiciləri və sosial media istifadəçiləri arasında böyük kədər və şok effekti yaradıb.

Telegramda izləyin