Qərbi Avropada rus mənşəli Snickers qalmaqalı

London mağazalarının rəflərində Rusiyadan gətirilmiş Snickers şokolad batonları aşkarlanıb.

Sonxeber.az xarici mediaya istinadən xəbər verir ki, bu barədə ABŞ-ın "The New York Times" qəzeti məlumat yayıb.

Məlumata görə, məhsulların qablaşdırması demək olar ki, tamamilə rus dilindədir. Bundan əlavə, batonların üzərində rus dilində müştəri dəstəyi üçün əlaqə nömrəsi də yer alıb. Ağ şokolad batonlarından biri rus dilində "Ağ", digəri isə "dondurma dadı ilə" kimi etiketlənib.

Məhsulların istehsalçısı olan Mars Wrigley UK and Ireland şirkəti vəziyyəti Rusiya və ya Belarusda istehsal olunan məhsulların Qərbi Avropada vasitəçilər tərəfindən yenidən satışa çıxarılması ilə izah edib və bu prosesə tam nəzarət edə bilmədiklərini bildirib.

Telegramda izləyin