Şəhərin bir tərəfində bahar havası, digər tərəfində dondurucu soyuq hökm sürür - VİDEO

Hakkaridə, şəhər mərkəzindən 80 kilometr uzaqda yerləşən 2 min metrlik Yüksekova rayonunda keçən həftə olan qar yağıntısı nəticəsində isiti havalar yerini soyuq havaya verib.

Havanın temperaturu gecələr mənfi 10 dərəcəyə düşür, qar örtüyü isə bəzi yerlərdə 5 santimetrə çatır.

Sonxeber.az türk mediasına istinadən xəbər verir ki, təxminən 40 kilometr uzaqda yerləşən Şemdinli rayonunun Konur kəndində isə keçmiş illərin əksinə bahar havası müşahidə olunur. Yüksekovadan gələn bir qrup gənc də Konur kəndində bir gün keçirib.

Havanın gündüz 14 dərəcəyə çatdığı kəndin Sosi vadisində kamp quran gənclər, piknik edib, futbol oynayıblar. Gecəni isə çadırda kamp alovu yandıraraq keçiriblər.

Burhan Yalçın bildirib: "Konur kəndində hava 14 dərəcədir. Gecəni burada kamp quraraq keçirdik. Yüksekova mərkəz və kəndlərdə dondurucu soyuq olsa da, burada isti hava var. Biz də bunu fürsət bilib, piknik edirik. Hərkəsi buraya dəvət edirik".

Nurullah Gezer isə əlavə edib: "İsti havanın dadını çıxarırıq. Dekabr ayının son günləri olmasına baxmayaraq, gecəni çadırda keçiririk. Gənclər futbol oynayır, ailələr isə mangal qalayıb piknik edirlər".

Telegramda izləyin