Sevgilisindən ayrılan gənc, küçənin ortasında ağlayaraq maşınını parçalayıb - VİDEO

Türkiyənin Eskişehir şəhərində sevgilisindən ayrılan gəncin küçənin ortasında avtomobilini parçalaması diqqət çəkib.

Sonxeber.az türk mediasına istinadən xəbər verir ki, hadisə Odunpazarı rayonunun Emek məhəlləsində yerləşən Binicilər küçəsində baş verib. Məlumata görə, təxminən 3 il yarımdır münasibətdə olduğu sevgilisindən ayrılan 23 yaşlı A.G. adlı sərxoş gənc dünən saat 23:30 radələrində 26 ALE 216 dövlət nömrə nişanlı avtomobilinə küçənin ortasında zərər verməyə başlayıb.

Ağlayaraq və qışqıraraq avtomobilini sındıran gənci görən ətraf sakinləri vəziyyəti 112 Təcili Çağrı Mərkəzinə bildiriblər. Hadisə yerinə polis əməkdaşları cəlb olunub. Avtomobilini yararsız hala salan A.G. polis tərəfindən saxlanılıb.

Polis əməkdaşlarına çətin anlar yaşadan gənc onu görüntüləyən media nümayəndələrinə də reaksiya verərək, "Yəqin yaxşı düşməmişəm, fotoma şop edərsiniz", - deyə bildirib.

Faktla bağlı araşdırma başladılıb.

Telegramda izləyin