2 uşağının anasını gözünü qırpmadan öldürdü

Türkiyənin Mersin şəhərində qadın qətli baş verib.

Sonxeber.az türk mediasına istinadən xəbər verir ki, kişi aralarında yaranan mübahisə zamanı iki uşağının anası olan həyat yoldaşını bıçaqlayaraq öldürüb.

Hadisə şəhərin Toroslar District ərazisində yerləşən Toroslar Mahallesi məhəlləsində qeydə alınıb. Məlumata görə, 27 yaşlı Songül Aktekin ilə həyat yoldaşı, 34 yaşlı Selami Aktekin arasında hələlik bilinməyən səbəbdən mübahisə yaranıb.

Mübahisə zamanı Selami Aktekin həyat yoldaşı Songül Aktekini bıçaqlayaraq ağır yaralayıb. Hadisə barədə məlumat daxil olduqdan sonra əraziyə polis və təcili tibbi yardım briqadaları cəlb olunub. Yaralı qadın təcili yardım avtomobili ilə xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.

Hadisədən sonra qaçan Selami Aktekinin saxlanılması istiqamətində əməliyyat-axtarış tədbirləri davam etdirilir. Bildirilir ki, şübhəli şəxsin daha əvvəl müxtəlif cinayətlərə görə 9 qeydiyyatı mövcuddur.

Telegramda izləyin