13 ildir şifrəsini unutduğu telefonu açmağa çalışır! Səbəbi dəhşətdir - VİDEO

2013-cü ildə telefonunun ekran kilidini unutduğu və cihazın daxilində 144 bitkoin olduğunu iddia edən bir şəxsin hekayəsi sosial şəbəkələrdə geniş müzakirələrə səbəb olub.

Sonxeber.az xarici mediaya istinadən xəbər verir ki, həmin şəxs 2013-cü ildə telefonuna ekran kilidi qoyub, lakin bir müddət sonra şifrəni xatırlaya bilməyib. O vaxtdan bəri telefonu açmağa çalışdığı, lakin cihazın içində olduğu deyilən kriptovalyutalara çıxış əldə edə bilmədiyi bildirilir.

Paylaşımlarda qeyd olunur ki, telefonda 144 ədəd Bitcoin var. Hazırkı qiymətlərlə bu məbləğin milyonlarla dollar dəyərində olduğu vurğulanır.

Hadisə qısa müddətdə sosial mediada böyük maraq doğurub. Bəzi istifadəçilər hekayənin real ola biləcəyini desə də, digərləri bunun tamamilə uydurma olduğunu iddia edir.

Bu səbəbdən hadisə kriptovalyuta dünyasında "ən bahalı unutqanlıq" kimi xatırlansa da, onun həqiqətən baş verib-vermədiyi ilə bağlı mübahisələr hələ də davam edir.

Telegramda izləyin