Anasından gənc qıza gələn mesaj ürəkləri parçaladı

Valideynləri boşanan bir gənc qızın anası ilə olan mesajlaşma sosial mediada böyük rezonans doğurub. Paylaşılan yazışmalar qısa müddətdə geniş yayılaraq istifadəçilər arasında ciddi müzakirələrə səbəb olub.

Sonxeber.az türk mediasına istinadən xəbər verir ki, məlumata görə, ana mesajlarında yenidən evlənəcəyini bildirərək qızını atasının yanına göndərmək istədiyini yazıb. Yazışmalarda ananın "Əşyalarını çamadana yığıb qapının qarşısına qoydum" ifadəsini işlətməsi isə oxuyanların ürəyini sızladıb.

Sosial şəbəkə istifadəçiləri bu mesajlara emosional reaksiya verərək gənc qızın vəziyyətinə görə təəssüf hisslərini bölüşüblər. Bir çox istifadəçi belə bir münasibətin qəbuledilməz olduğunu bildirərək uşaqların valideyn münaqişələrinin qurbanına çevrilməməli olduğunu vurğulayıb.

Paylaşım qısa müddətdə minlərlə baxış və şərh toplayıb, mövzu sosial mediada geniş müzakirə olunmağa davam edir.

Telegramda izləyin