13 yaşlı uşaq evdəki hadisəni görüb, atasını bu hala gətirdi

ABŞ-da 13 yaşlı uşaq anasını boğmağa çalışan atasına müdaxilə edərək onu döyüb.

Sonxeber.az türk mediasına istinadən xəbər verir ki, hadisə ABŞ-ın Alabama ştatının Foley şəhərində baş verib. Polis və yerli medianın yaydığı məlumata görə, Daniel Hernandez-Lopez adlı şəxs evdə yaranan mübahisə zamanı həyat yoldaşını boğmağa cəhd edib.

Baş verənləri görən 13 yaşlı oğlan anasını qorumaq üçün dərhal müdaxilə edib. Polis bildirib ki, mübahisə zamanı evdən çölə çıxan uşağa ata velosipedlə hücum etməyə çalışıb.

Bundan sonra yeniyetmə atasına bir neçə dəfə yumruq zərbəsi endirib. Polis əməkdaşlarının sözlərinə görə, hadisə zamanı sərxoş olduğu bildirilən Hernandez-Lopezin hər iki gözü göyərib, dodağı isə ciddi şəkildə şişib. Həmçinin onun qısa müddətə huşunu itirmiş ola biləcəyi qeyd olunub.

Polis həmçinin şübhəlinin hadisə zamanı narkotik maddələrin təsiri altında ola biləcəyini də istisna etməyib.

Daniel Hernandez-Lopez ailədaxili zorakılıq ittihamı ilə saxlanılaraq Baldwin County həbsxanasına göndərilib.

Telegramda izləyin