Keçmiş boksçu nikah şahidi olduğu dostunu yumruqla öldürdü

İstanbulda borc məsələsi faciə ilə nəticələnib. Hadisə zamanı bir nəfər aldığı zərbələrdən sonra xəstəxanada həyatını itirib.

Sonxeber.az türk mediasına istinadən xəbər verir ki, hadisə Büyükçekmece rayonunun Pınartepe məhəlləsində baş verib.

İddiaya görə, 47 yaşlı Seyit Göçüm iki il əvvəl keçmiş boksçu dostu Gürsoy K.-dən 400 min lirə borc alıb və bu məbləği faizləri ilə birlikdə təxminən 4 milyon lirə olaraq geri ödəyib.

Lakin buna baxmayaraq, Gürsoy K. əlavə pul tələb etməyə davam edib. Tərəflər arasında yaranan mübahisə zamanı keçmiş boksçu Göçümə yumruq zərbəsi endirib. Ağır xəsarət alan Seyit Göçüm xəstəxanaya çatdırılsa da, onun həyatını xilas etmək mümkün olmayıb.

Məlumata görə, Gürsoy K. bir müddət əvvəl Göçümün nikah şahidi də olub. Hadisə ilə bağlı araşdırma aparılır.

Telegramda izləyin