İnsanın insana etdiyinə baxın: Elektroşok verib, döydülər - VİDEO

Fransada keçirilən qarşılaşma öncəsi yaşanan insident futbol ictimaiyyətində geniş müzakirələrə səbəb olub.

Sonxeber.az xarici mediaya istinadən xəbər verir ki, Aston Villa azarkeşlərinin Fransada səfər matçı üçün stadion ətrafında yaşadıqları gərgin anlar diqqət çəkib. Bildirilir ki, təhlükəsizlik qüvvələri azarkeşlərə qarşı elektroşok cihazı və dəyənəklərdən istifadə edib.

Hadisə Lille OSC ilə keçirilən qarşılaşmadan əvvəl baş verib. Stadiona getmək istəyən ingilis azarkeşlərə polis müdaxilə edib. Sosial şəbəkələrdə yayılan görüntülərdə bəzi azarkeşlərə elektroşok cihazının tətbiq edildiyi iddia olunur.

Kadrlarda təhlükəsizlik əməkdaşlarının bir sıra azarkeşlərə dəyənəklə də müdaxilə etdiyi görünür. Həmin görüntülər qısa müddətdə futbol ictimaiyyətində geniş rezonans doğurub.

Müdaxilədən sonra çox sayda Aston Villa azarkeşinin stadiona girişinə icazə verilmədiyi bildirilir. İngilis azarkeşlər isə baş verənlərə etiraz edərək təhlükəsizlik qüvvələrinin davranışını tənqid ediblər.

Telegramda izləyin