Ot biçən maşına qolu ilişən qadın ağır yaralandı

Türkiyənin Adıyaman vilayətinin Kahta rayonunda ot biçən maşınla işləyən qadın ehtiyatsızlıq nəticəsində ağır xəsarət alıb.

Sonxeber.az xarici mediaya istinadla xəbər verir ki, hadisə dünən günorta saatlarında Yolaltı kəndində baş verib. Məlumata görə, 36 yaşlı F.A. heyvanlarına yem hazırlamaq məqsədilə ot bağlamalarını maşına yerləşdirərkən texnikada yaranan sıxılmanı aradan qaldırmağa çalışıb. Bu zaman onun qolu ot biçən maşına ilişərək ağır şəkildə zədələnib.

Qəzanı görən yaxınları dərhal təcili tibbi yardım xidmətinə məlumat veriblər. Hadisə yerinə gələn həkim briqadası yaralı qadına ilkin yardım göstərdikdən sonra onu Kahta Dövlət Xəstəxanasına çatdırıb.

Xəstəxanada aparılan müdaxilələrdən sonra vəziyyətinin ağır olduğu nəzərə alınaraq F.A. daha ixtisaslaşmış tibbi yardım alması üçün Qaziantep şəhərinə göndərilib.

Faktla bağlı araşdırma başladılıb.

Telegramda izləyin