Toyda şampanla rəqs etmək istəyən bəy, gəlini yerə yıxdı - VİDEO

Sosial şəbəkələrdə sürətlə yayılan toy videosu qısa müddətdə geniş müzakirələrə səbəb olub.

Sonxeber.az xarici mediaya istinadla xəbər verir ki, toyda şampan şüşəsi ilə rəqs edən cütlüyün başına gələn gözlənilməz hadisə izləyicilərin diqqətini çəkib.

Açıq havada təşkil olunan toy mərasimində çəkilən görüntülərdə bəy və gəlinin musiqi sədaları altında rəqs etdiyi görünür. Qonaqların alqışları və konfeti şousu ilə müşayiət olunan şənlik zamanı bəy əlindəki şampan şüşəsi ilə coşğunu davam etdirərək gəlini romantik rəqs hərəkəti ilə arxaya əymək istəyib.

Lakin həmin anda tarazlığını itirən bəy gəlini saxlaya bilməyib və gəlin yerə yıxılıb. Xoşbəxt anı əbədiləşdirmək istəyən cütlük üçün gözlənilməz hadisə həm gülüş, həm də həyəcan dolu anlar yaşadıb.

Sosial şəbəkələrdə sürətlə yayılan videoya minlərlə istifadəçi münasibət bildirib. Paylaşıma yazılan rəylər arasında ən çox diqqət çəkən ifadələrdən biri isə "Gəlin artıq ərinə belə güvənməyəcək" şərhi olub.

Telegramda izləyin