"Qarabağ" bu futbolçusu üçün 2,5 milyon manatlıq təklifi rədd etdi

Brazilyanın "Botafoqo" klubu Azərbaycan təmsilçisi "Qarabağ"da çıxış edən 25 yaşlı Pedro Bikalyonu transfer etmək istəyib.

Qaynarinfo xəbər berir ki, bu barədə Braziliyanın "Globo" nəşri yazıb.

"Botafogo" "Qarabağ"a 1,5 milyon ABŞ dolları (təxminən 2,5 milyon manat) olub. Lakin Azərbaycan klubu bu məbləği qəbul etməyib. Ötən transfer pəncərəsində də "Qarabağ" Rusiyanın "Rubin Kazan" klubunun Pedro Bikalyo üçün təklif etdiyi 2,5 milyon dolları (təxminən 4,2 milyon manat) rədd etmişdi.

Nəşr qeyd edir ki, "Botafqo" yarımmüdafiəçi Dominqos Andradeni heyətinə qatdıqdan sonra Pedro Bikalyo ilə bağlı danışıqları davam etdirməyəcək və təklifini israrla davam etdirməyəcək.

Pedro Bikalyo Brazilyanın "Kruzeyro" klubunun akademiyasında yetişib və 2020-ci ildə klubun əsas komandasında debüt edib. O, həmin mövsüm altı oyunda iştirak edib. Daha sonra "Palmeyras"a keçən futbolçu 20 yaşında 2022-ci ildə komandanın "Kopinya" turnirində tarixdə ilk çempionluğunu qazanmasına kömək edib. Yarımmüdafiəçi "Palmeyras"ın əsas komandasında da doqquz oyuna çıxıb. Daha sonra Braziliyanı tərk edərək Portuqaliyanın "Santa Klara" klubuna keçib. Ardınca "Vitoriya" və Portuqaliyanın "Alverka" klublarında çıxış edib. 2025-ci ilin iyununda isə "Qarabağ"a birdəfəlik transfer olunub.

"Botafoqo" 2025-ci ilin sonunda da Pedro Bikalyo ilə müqavilə imzalamağa çalışmışdı, lakin "Qarabağ"la aparılan danışıqlar nəticə verməmişdi.

Telegramda izləyin