Gecə yolun ortasında gördülər, maşını saxlayıb yanına qaçdılar - VİDEO

İzmirdə gecə saatlarında yolda hərəkətsiz vəziyyətdə uzanan kişini görən bir qrup gənc avtomobillərini saxlayaraq köməyə qaçıb.

Sonxeber.az xarici mediaya istinadla xəbər verir ki, hadisə gecə saatlarında İzmirin yollarından birində baş verib. Hərəkətin intensiv olduğu yolda yerdə hərəkətsiz vəziyyətdə uzanan şəxsi görən gənclər dərhal avtomobillərini saxlayıblar.

Avtomobildən düşərək kişinin yanına gedən gənclər onun vəziyyətinin yaxşı olub-olmadığını anlamağa çalışıblar. Reaksiya verməsi üçün ona "İçkilisən?" deyə səsləniblər.

Daha sonra "Oyan dayı, oyan" deyərək kişini yolun ortasında qalmaması üçün ayağa qaldırmağa çalışıblar. Bir müddət sonra özünə gələn şəxs ayağa qalxaraq yol kənarına keçib və səkiyə oturub.

Gecə saatlarında görmə məsafəsinin azaldığı yolda hərəkətsiz vəziyyətdə qalan kişinin sürücülər tərəfindən gec fərq edilməsi ciddi qəza ilə nəticələnə bilərdi. Gənclərin vəziyyəti vaxtında görərək avtomobillərini saxlaması və müdaxilə etməsi sayəsində kişi hərəkətin olduğu yoldan təhlükəsiz əraziyə çıxarılıb.

Telegramda izləyin