Dövlət qulluqçusu olmaq istəyənlər üçün yeni qiymətləndirmə meyarı - EMOSİONAL İNTELLEKT

Dövlət qulluqçusu olmaq istəyənlər üçün yeni qiymətləndirmə meyarı - EMOSİONAL İNTELLEKTDövlət qulluğuna qəbul imtahanlarında namizədlərin yalnız qanunvericilik və məntiq biliklərinin deyil, emosional intellekt bacarıqlarının da qiymətləndirilməsi məsələsi gündəmə gəlib. Bu yanaşmanın məqsədi dövlət qulluqçusu olmaq istəyən şəxslərin ünsiyyət qurmaq, emosiyalarını idarə etmək, stresli vəziyyətlərdə düzgün qərar vermək və vətəndaşlarla davranış bacarıqlarını da nəzərə almaqdır. Lakin emosional intellekt kimi psixoloji xüsusiyyətlərin standart test vasitəsilə nə dərəcədə obyektiv ölçülə biləcəyi suallar yaradır.

Bəs, namizədlərin emosional intellektinin test imtahanı vasitəsilə ölçülməsi nə dərəcədə obyektiv və effektiv ola bilər? Bu bacarıqlar hansı meyarlar əsasında qiymətləndirilməli, yeni yanaşma dövlət qulluğuna daha peşəkar kadrların seçilməsinə necə təsir göstərməlidir? Namizədlər bu dəyişikliyə necə hazırlaşmalıdırlar?
Dövlət qulluqçusu olmaq istəyənlər üçün yeni qiymətləndirmə meyarı - EMOSİONAL İNTELLEKTMövzu ilə bağlı Sonxeber.az-a açıqlama verən təhsil eksperti Əmrah Həsənli bildirib ki, dövlət qulluğuna qəbul zamanı emosional intellektin ayrıca qiymətləndirilməsi prinsip etibarilə müsbət addım kimi dəyərləndirilə bilər. Çünki dövlət qulluqçusu yalnız qanunvericiliyi bilən, nəzəri biliyi yüksək olan şəxs deyil, eyni zamanda vətəndaşlarla ünsiyyət quran, gərgin vəziyyətdə özünü idarə edə bilən, qərar qəbul edərkən ədalətli və məsuliyyətli davranan insandır.

"Vətəndaşın dövlət qurumu ilə ilk təmasda aldığı təəssürat çox vaxt məhz dövlət qulluqçusunun münasibətindən, onu dinləmək və anlamaq bacarığından formalaşır. Bu baxımdan emosional intellektin nəzərə alınması düzgün istiqamətdir. Lakin burada əsas məsələ onun hansı üsulla ölçüləcəyidir.

Emosional intellekt bilikdən fərqli olaraq, davranış və münasibət üzərində qurulan keyfiyyətdir. Buna görə də onu yalnız standart test vasitəsilə tam və dəqiq ölçmək çətindir. Test zamanı namizəd çox vaxt "Necə davranmalıyam?" sualının düzgün cavabını bilir və ya təxmin edir. Real həyatda isə fərqli davrana bilər. Üstəlik, namizəd hansı cavabın sosial baxımdan məqbul olduğunu anlayaraq özünü olduğundan daha ideal göstərə bilər. Ona görə də testin nəticəsi yekun qərar üçün yeganə meyar olmamalı, yalnız ilkin göstərici kimi qəbul edilməlidir. Daha obyektiv nəticə əldə etmək üçün test situasiya əsaslı tapşırıqlar, yəni real iş vəziyyətlərini əks etdirən ssenarilər, müsahibə və praktik yoxlama ilə tamamlanmalıdır.

Qiymətləndirmə meyarları aydın, şəffaf və əvvəlcədən açıqlanmış olmalıdır. Bu meyarlara özünü dərk etmə və idarəetmə, stress və təzyiq altında soyuqqanlı qalmaq, empatiya və vətəndaşı dinləmək bacarığı, komanda daxilində əməkdaşlıq, münaqişələrin konstruktiv həlli və digər keyfiyyətlər daxil edilməlidir. Meyarlar əvvəlcədən məlum olmasa, namizədlər hansı xüsusiyyətlərinə görə qiymətləndirildiklərini bilməyəcəklər. Bu da şəffaflığa və imtahan sisteminə olan etimadı zəiflədə bilər.

Testlərin hazırlanmasında psixoloqların, təhsil və kadr qiymətləndirməsi üzrə mütəxəssislərin iştirakı vacibdir. Eyni zamanda, testlər tətbiq olunmazdan əvvəl sınaq mərhələsindən keçirilməli və onların etibarlılığı yoxlanılmalıdır. Düzgün tətbiq olunarsa, bu yenilik dövlət qulluğuna daha peşəkar və vətəndaşyönümlü kadrların seçilməsinə töhfə verə bilər. Çünki yalnız bilikləri yoxlayan sistem nəzəri biliyi yüksək olsa da, ünsiyyət bacarıqları zəif olan namizədlərin də seçilməsinə səbəb ola bilər.

Namizədlərə isə testə əzbərləmə yolu ilə deyil, real bacarıqlarını inkişaf etdirməklə hazırlaşmağı tövsiyə edərdim. Başqalarını dinləmək, fikir ayrılığı zamanı sakit qalmaq, öz emosiyalarını tanımaq və idarə etmək, tənqidə düzgün reaksiya vermək, komandada işləmək bacarıqlarını gündəlik həyatda da formalaşdırmaq və inkişaf etdirmək vacibdir. Situasiya əsaslı nümunə tapşırıqlarını həll etmək, öz davranışları barədə düşünmək, yaxınlarından, dostlarından və həmkarlarından rəy almaq da faydalıdır.

Əsas məqsəd sadəcə testdən keçmək deyil, həqiqətən də vətəndaşa xidmət edən, ona hörmətlə yanaşan və üzərinə düşən məsuliyyəti daşıyan dövlət qulluqçusu olmaqdır".

Röyalə Xəyal


Sonxeber.az
Telegramda izləyin
Sosial   Baxılıb: 165   Tarix: 19 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Komediya proqramlarında söyüş və jarqon normal hala çevrilir? - AÇIQLAMA

Son dövrlər televiziya və sosial şəbəkələrdə yayımlanan bəzi komediya proqramlarında əxlaq normalarına zidd hesab edilən ifadə və davranışlar ictimai müzakirələrə səbəb olur. Xüsusilə, geniş auditoriyaya təqdim olunan bu cür məzmunların yeniyetmə və gənclərin dünyagörüşünə, davranışlarına və ailə dəyərlərin

18 noyabr
.

Alim Qasımov və qızının ifası məşhur "GTA 6" oyununda

Xalq artisti Alim Qasımov və qızı, Əməkdar artist Fəraqanə Qasımovanın ifası dünyanın ən çox gözlənilən videooyunlarından biri olan "GTA 6"nın musiqi siyahısına daxil edilib. Axşam.az xəbər verir ki, oyundakı "Kaleidoscope FM" radiosunda onların ifası "Say It Right" ad

19 noyabr
.

"Xəzərdə sahil xəttindən 800 metrə qədər geriçəkilmələr var"

"Bu gün Xəzərin mövcud sahil xəttindən faktiki dənizin sahilə təmas xətti arasında bəzi hallarda 800 metrə qədər geriçəkilmələr var". "Qafqazinfo" xəbər verir ki, bunu Əmlak Məsələləri Dövlət Xidmətinin tabeliyində "Daşınmaz Əmlakın Dövlət Kadastrı və Reyestri" publik hüquq

19 noyabr
.

Prezident təqaüdü alanların sayı açıqlandı

Azərbaycan Respublikası Prezidentinin təqaüdü və fəxri adlara görə təqaüd təyin olunan şəxslərin sayı açıqlanıb. xəbər verir ki, bu barədə Dövlət Statistika Komitəsi (DSK) məlumat yayıb. Bildirilib ki, müxtəlif kateqoriyadan olan 407,6 min şəxsə Azərbaycan Respublikası Prezidentinin təqaüdü və fəxr

18 noyabr
.

Bakıda oğurluq iddiası: Malı çantalarına qoyub mağazadan çıxmaq istədilər - Video

Bakıda bir neçə nəfərin mağazalara daxil olaraq oğurluq etdiyi iddia olunur. xəbər verir ki, bununla bağlı videogörüntülər yayılıb. Məlumata görə, hadisə metronun "Əcəmi" stansiyası yaxınlığında yerləşən mağazalardan birində baş verib. İddia olunur ki, mağazaya müştəri qismində daxil olan qadınla

18 noyabr
.

Dövlət qulluqçusu olmaq istəyənlər üçün yeni qiymətləndirmə meyarı - EMOSİONAL İNTELLEKT

Dövlət qulluğuna qəbul imtahanlarında namizədlərin yalnız qanunvericilik və məntiq biliklərinin deyil, emosional intellekt bacarıqlarının da qiymətləndirilməsi məsələsi gündəmə gəlib. Bu yanaşmanın məqsədi dövlət qulluqçusu olmaq istəyən şəxslərin ünsiyyət qurmaq, emosiyalarını idarə etmək, stresli vəziyyətlərd

19 noyabr
.

Etibarnamə ilə ev alanlar evlərini itirə bilər? - EKSPERTDƏN XƏBƏRDARLIQ

Daşınmaz əmlak bazarında bəzən evlər alqı-satqı müqaviləsi bağlanmadan, yalnız etibarnamə əsasında əldə edilir. Lakin etibarnamə alıcıya avtomatik olaraq mülkiyyət hüququ vermir və onu verən şəxs sənədi sonradan ləğv edə bilər. Bu isə alıcının ödədiyi vəsaiti və ev üzərindəki hüquqlarını itirməsi risk

19 noyabr
.

"Xəzərin sahilboyu ərazilərində 3227 qanunsuz tikili var"

"Xəzər dənizinin sahilboyu ərazilərində 3227 qanunsuz tikili var. Bununla bağlı təxminən 60 km ərazidə monitorinq keçirilib". "Qafqazinfo" xəbər verir ki, bunu Xəzər dənizinin sahilboyu ərazilərinin idarə edilməsinin təkmilləşdirilməsi ilə bağlı mətbuat konfransında Əmlak Məsələlər

19 noyabr
.

Bu ərazilərdə qaz olmayacaq - Xəbərdarlıq

Sabah Qəbələnin bəzi ərazilərində qazın verilişində fasilə olacaq. xəbər verir ki, bu barədə Zaqatala Regional Qaz İstismarı İdarəsi məlumat yayıb. Bildirilir ki, görüləcək təmir-quraşdırma işləri ilə əlaqədar saat 09:30-dan işlər yekunlaşanadək Qəbələ rayonu Yeni qəsəbə, Şəhriyar, F.Rəhimov, A.Səhhət

18 noyabr