ABŞ-İran müharibəsində yeni təhlükə: Hörmüz boğazında tankerə yenidən hücum edildi, Tramp hərbi əməliyyat ehtimalını saxlayır

ABŞ-İran müharibəsində yeni təhlükə: Hörmüz boğazında tankerə yenidən hücum edildi, Tramp hərbi əməliyyat ehtimalını saxlayırABŞ və İran arasında davam edən münaqişədə vəziyyət gərginləşir. Hörmüz boğazında kommersiya gəmisinə hücum, İranın dəniz minaları ilə bağlı açıqlamaları və Donald Trampın Çin və Rusiya liderləri ilə görüş ərəfəsində verdiyi bəyanatlar qarşıdurmanın növbəti mərhələsi ilə bağlı narahatlığı artırıb.

"Reuters"in məlumatına görə, Oman sahillərində, Xəsəb limanı yaxınlığında Hörmüz boğazından çıxan tanker naməlum mərmi ilə vurulub. Hücum nəticəsində gəminin mühərrik bölməsində zədələnmə baş verib. Böyük Britaniyanın Dəniz Ticarət Əməliyyatları İdarəsi (UKMTO) bütün ekipaj üzvlərinin təhlükəsiz olduğunu bildirib. Hadisənin səbəbləri və hücumun arxasında kimin dayandığı araşdırılır. Bu, son günlər strateji su yolunda qeydə alınan növbəti dəniz insidentidir.

Sonxeber.az Reuters-ə istinadən xəbər verir ki, eyni zamanda, İran Hərbi Dəniz Qüvvələri Hörmüz boğazı və ətrafında üç neft tankerinin dəniz minalarına düşərək sıradan çıxdığını və yanğın baş verdiyini iddia edib. İran mediasının yaydığı məlumatda gəmilərin müəyyən edilmiş təhlükəli marşrutlardan istifadə etdiyi bildirilib. Bu iddiaların müstəqil təsdiqi isə hələlik yoxdur. Hadisələr dünya neft daşımalarının mühüm hissəsinin həyata keçirildiyi Hörmüz boğazında təhlükəsizlik risklərini daha da artırır.

ABŞ Prezidenti Donald Tramp isə Çinin və Rusiyanın liderləri ilə görüş ərəfəsində İran müharibəsi ilə bağlı diqqətçəkən açıqlama verib. "Iran International"ın məlumatına görə, Tramp ABŞ-ın münaqişəni başa çatdırmaq üçün Çin Prezidenti Si Cinpindən və Rusiya Prezidenti Vladimir Putindən kömək istəməyəcəyini bildirib. O, ABŞ-ın İranın hərbi-dəniz və hava qüvvələrini, eləcə də hava hücumundan müdafiə sistemlərini məğlub etdiyini iddia edib. Tramp həmçinin Hörmüz boğazı üzərində nəzarətin ABŞ-da olduğunu söyləyib. Bununla belə, o, Tehranla əldə olunan ilkin razılaşmanı nəticəsiz adlandıraraq müharibəni tezliklə başa çatdırmaq istədiyini vurğulayıb.

Digər tərəfdən, "Axios" nəşrinin noyabrın 19-da yaydığı məlumata görə, Tramp İranın nüvə və raket obyektlərinə qarşı ABŞ və İsrailin birgə yeni hərbi əməliyyat keçirməsi ehtimalını nəzərdən keçirir. Ağ Ev mümkün zərbələrə İranın necə cavab verə biləcəyi ilə bağlı Pentaqon və kəşfiyyat qurumlarından qiymətləndirmə istəyib. Bununla belə, hələlik yekun qərarın verildiyi bildirilməyib. Qətər və Pakistanın vasitəçiliyi ilə Vaşinqton və Tehran arasında dolayı danışıqların bərpası istiqamətində də səylər davam edir.

Münaqişənin regiona yayılması ilə bağlı narahatlıqlar da artır. "Reuters"in noyabrın 19-da yaydığı xəbərə görə, Yəməndəki husilər Səudiyyə Ərəbistanının paytaxtı Ər-Riyada raket hücumu həyata keçiriblər. Səudiyyə Ərəbistanının rəhbərlik etdiyi koalisiya raket təhlükəsinin qarşısının alındığını, lakin qalıqların düşməsi nəticəsində ərazidə maddi ziyanın yarandığını açıqlayıb. Koalisiya, həmçinin ölkənin cənubuna yönələn qanadlı raketin də məhv edildiyini bildirib.

Beynəlxalq Enerji Agentliyinin rəhbəri Fatih Birol isə noyabrın 19-da Yaxın Şərqdəki böhranın dünya enerji təhlükəsizliyi üçün tarixdəki ən böyük təhdidə çevrildiyini bildirib. Onun sözlərinə görə, Hörmüz boğazında yaranan böhran 1970-ci illərin neft şoklarından daha ciddi təhlükə yaradır. Bununla yanaşı, "Reuters"in məlumatına görə, noyabrın 19-da Brent markalı neftin bir barelinin qiyməti 92,20 dollara yüksəlib.

Beləliklə, noyabrın 19-da baş verən son hadisələr ABŞ və İran arasında münaqişənin hələ də təhlükəli mərhələdə olduğunu göstərir. Vaşinqton bir tərəfdən müharibəni başa çatdırmaq niyyətini açıqlayır, digər tərəfdən yeni hərbi zərbələr ehtimalını nəzərdən keçirir. Hörmüz boğazında tankerlərə hücumların davam etməsi, İranın mina iddiaları və husilərin Səudiyyə Ərəbistanına qarşı hücumları isə qarşıdurmanın regional təhlükəsizliyə və dünya enerji bazarına təsirini daha da artırır.

Müəllif: İlkin Məmmədkərimov


Sonxeber.az
Telegramda izləyin
Dünyada   Baxılıb: 438   Tarix: 19 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İtaliya hibrid təhdidlərə qarşı mübarizəyə 7 milyard avrodan çox vəsait ayıracaq

İtaliya yaxın illərdə hibrid təhdidlərə qarşı mübarizəyə 6 milyard avrodan çox vəsait yatırmağı planlaşdırır. xəbər verir ki, bu barədə ölkənin müdafiə naziri Gvido Krozetto Deputatlar Palatasında çıxışı zamanı bildirib. Onun sözlərinə görə, 2026-2028-ci illər üçün bu məqsədlə təxminən 2 milyard avr

19 noyabr
.

ABŞ və Venesuela hərbi əməkdaşlığı bərpa edir: Birgə təlimlər və kəşfiyyat məlumatlarının mübadiləsi nəzərdə tutulur

ABŞ və Venesuela uzun müddət davam edən gərginlikdən sonra hərbi əlaqələri bərpa etmək barədə razılığa gəlib. Yeni razılaşma çərçivəsində iki ölkənin silahlı qüvvələri arasında birgə təlimlərin keçirilməsi, kəşfiyyat məlumatlarının mübadiləsi və müdafiə sahəsində əməkdaşlığın genişləndirilməsi nəzərd

19 noyabr
.

ABŞ Tacikistana dəstək üçün 78 milyon dollar ayıracaq

ABŞ Tacikistanla ikitərəfli əməkdaşlıq haqqında beşillik saziş çərçivəsində bu ölkənin səhiyyə sisteminə dəstək üçün 78 milyon dollar ayıracaq. "Report" Tacikistanın Səhiyyə və Əhalinin Sosial Müdafiəsi Nazirliyinə istinadən xəbər verir ki, bu, noyabrın 19-da Düşənbədə Tacikistan və ABŞ arasınd

20 noyabr
.

Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"

Tayvan hakimiyyəti Çinin sosial şəbəkələr vasitəsilə ölkədə keçiriləcək seçkilərə təsir göstərməyə çalışdığını iddia edib. Reuters-ə istinadən xəbər verir ki, Tayvan minlərlə şübhəli hesabla bağlı Meta şirkətinə müraciət edib. Rəsmi açıqlamada 2 500-dən çox hesabın Çinlə əlaqəli təsir kampaniyasını

20 noyabr
.

İndoneziyada Semeru vulkanı iki dəfə püskürüb

İndoneziyanın Şərqi Yava əyalətində Semeru vulkanı iki dəfə püskürüb. xəbər verir ki, bu barədə İndoneziyanın Vulkanologiya və Geoloji Fəlakətlərin Təsirlərinin Azaldılması Mərkəzinin bəyanatında bildirilib. Kül vulkanın zirvəsindən 700 m, dəniz səviyyəsindən isə 4 376 m hündürlüyə çatıb. Qurum ətra

19 noyabr
.

Si Cinpin: Çin, Rusiya və ABŞ-ın İkinci Dünya müharibəsində qələbəsi dünyaya sülh gətirib

Çin Sədri Si Cinpin İkinci Dünya müharibəsində Çin, Rusiya və ABŞ-ın qələbəsinin bütün dünyada sülh və sabitliyin təmin olunmasına xidmət etdiyini bildirib. xəbər verir ki, Si Cinpin bu barədə Çinin Şençjen şəhərində Rusiya Prezidenti Vladimir Putin və ABŞ Prezidenti Donald Trampla keçirilən üçtərəfl

19 noyabr
.

Danimarka Qrenlandiyanın təhlükəsizliyini gücləndirmək üçün ABŞ-la razılaşmanı təsdiqləyib

Danimarka parlamenti Qrenlandiya və ABŞ ilə Arktika və Şimali Atlantikada təhlükəsizliyin gücləndirilməsini nəzərdə tutan razılaşmanı təsdiqləyib. Reuters-ə istinadən xəbər verir ki, sənəd regionda müdafiə əməkdaşlığının genişləndirilməsini və strateji əhəmiyyətli ərazilərin təhlükəsizliyinin möhkəmləndirilməsin

19 noyabr
.

İranla bağlı kritik qərar ərəfəsi: ABŞ yeni hücum variantlarını müzakirə edir

ABŞ və İran arasında hərbi qarşıdurma ilə bağlı gərginlik davam edir. Vaşinqtonun Tehrana qarşı mümkün yeni hərbi əməliyyatları müzakirə etdiyi bir vaxtda ABŞ Senatında prezident Donald Trampın İrana qarşı hərbi əməliyyatlarını davam etdirməsi üçün Konqresin razılığını tələb edən qanun layihəsi qəbu

20 noyabr
.

Koretski: Avropa Komissiyası Ukraynaya 7,9 milyard avro ayırıb

Avropa Komissiyası Ukraynaya maliyyə ehtiyaclarının ödənilməsi və ölkənin dövlət administrasiyasının fəaliyyətinin təmin edilməsi üçün 7,9 milyard avro ayırıb. "Report" Ukrayna mediasına istinadən xəbər verir ki, bunu ölkənin Baş naziri Sergey Koretski bildirib. Onun sözlərinə görə, bu, "Ukrain

20 noyabr