İranla bağlı kritik qərar ərəfəsi: ABŞ yeni hücum variantlarını müzakirə edir
ABŞ və İran arasında hərbi qarşıdurma ilə bağlı gərginlik davam edir. Vaşinqtonun Tehrana qarşı mümkün yeni hərbi əməliyyatları müzakirə etdiyi bir vaxtda ABŞ Senatında prezident Donald Trampın İrana qarşı hərbi əməliyyatlarını davam etdirməsi üçün Konqresin razılığını tələb edən qanun layihəsi qəbul edilməyib. Reuters-in məlumatına görə, noyabrın 19-da keçirilən səsvermədə təşəbbüsün əleyhinə 51, lehinə isə 48 senator səs verib. Bununla da prezidentin hərbi səlahiyyətlərinin məhdudlaşdırılması istiqamətindəki cəhd nəticəsiz qalıb.
Digər tərəfdən, İsrailin İrana qarşı yeni hərbi əməliyyatların keçirilməsi üçün ABŞ-la təmasları davam etdirilir. Reuters-in məlumatına görə, İsrail kəşfiyyatının rəhbəri Roman Qofman ABŞ-a səfəri zamanı Mərkəzi Kəşfiyyat İdarəsinin direktoru Con Retkliff və xüsusi nümayəndə Stiv Uitkoffla görüşüb. Görüşlərdə İranla bağlı kəşfiyyat məlumatları və mümkün hərbi addımlar müzakirə olunub. Məlumata əsasən, İsrailin baş naziri Benyamin Netanyahu İrana qarşı yeni əməliyyat üçün məhdud zaman pəncərəsinin olduğunu düşünür.
Sonxeber.az Reuters-ə istinadən xəbər verir ki, bu arada ABŞ-ın Yaxın Şərqdəki hərbi mövcudluğu ilə bağlı da diqqətçəkən dəyişiklik baş verib. ABŞ Hərbi Dəniz Qüvvələrinə məxsus USS George Washington təyyarədaşıyan gəmisi bölgəni tərk edib. Stars and Stripes nəşrinin məlumatına görə, USS Theodore Roosevelt və USS George H.W. Bush təyyarədaşıyan gəmiləri isə Yaxın Şərqdə qalır. Nəşr həmçinin Donald Tramp administrasiyasının İranla bağlı durğunluğu aradan qaldırmaq məqsədilə yeni genişmiqyaslı hava zərbələri variantını nəzərdən keçirdiyini yazıb. Müzakirə olunan ssenarilər arasında 4-7 gün davam edə biləcək hava əməliyyatı da var. Belə bir əməliyyatın İranın raket və pilotsuz uçuş aparatları ehtiyatlarına, eləcə də enerji obyektlərinə yönələ biləcəyi bildirilir.
ABŞ Prezidenti Donald Tramp isə İranın kimyəvi və bioloji silah hazırlamaq ehtimalı ilə bağlı açıqlama verib. CBS News-un məlumatına görə, Tramp İranın nüvə proqramına endirilən zərbələrdən sonra bu istiqamətdə addımlar ata biləcəyinə dair əlamətlərin olduğunu bildirib. Bununla belə, Tehranın həqiqətən kimyəvi və ya bioloji silah hazırladığına dair müstəqil təsdiqlənmiş sübut təqdim edilməyib.
İran tərəfi də hərbi imkanları ilə bağlı sərt bəyanatlarını davam etdirir. Aljazeera-nın məlumatına görə, İran İslam İnqilabı Keşikçiləri Korpusunun müşaviri, briqada generalı Əli Bəlali ölkənin mümkün hücumlara cavab olaraq raket zərbələrini yeni coğrafi ərazilərdə həyata keçirməyə hazır olduğunu açıqlayıb. O, İranın raket imkanlarının düşmən hesab etdiyi qüvvələrin mövcud olduğu ərazilərə zərbə endirməyə imkan verdiyini bildirib.
Hərbi gərginlik fonunda Hörmüz boğazında baş verən hadisələr də diqqət mərkəzindədir. İran tərəfi boğazda daha iki neft tankerinin dəniz minalarına düşdüyünü və gəmilərdə yanğın baş verdiyini iddia edib. Lakin bu məlumat müstəqil şəkildə təsdiqlənməyib. Hörmüz boğazı dünya enerji daşımalarının əsas marşrutlarından biri olduğundan, burada təhlükəsizliyin pozulması beynəlxalq neft bazarına və enerji təchizatına təsir göstərə bilər.
Beləliklə, ABŞ və İran arasında qarşıdurma yalnız hərbi müstəvidə deyil, diplomatik və iqtisadi sahələrdə də davam edir. Vaşinqtonun Tehrana qarşı təzyiqləri, İsrailin yeni hərbi əməliyyatlarla bağlı mövqeyi və İranın raket imkanları barədə bəyanatları regionda gərginliyi gündəmdə saxlayır. Bununla yanaşı, tərəflər arasında diplomatik danışıqlarda Hörmüz boğazı, dəniz blokadası və İranın nüvə proqramı ilə bağlı məsələlər üzrə razılığın əldə olunmaması vəziyyətin mürəkkəbliyini artırır.
Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Məleykə Abbaszadə BDU-nun rektoru oldu
Elçin Babayev vəzifəsindən azad olundu
Ev satılıb, köhnə sahib hələ də qeydiyyatdadır: Yeni mülkiyyətçini hansı problemlər gözləyir? - ƏMLAK EKSPERTİNDƏN AÇIQLAMA
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Banka pul qoyanları nə gözləyir? - 200 manatdan artıq faiz gəlirinə VERGİ
"İstismara verilmiş binanın üzərinə özbaşına əlavə mərtəbə tikmək ciddi təhlükəsizlik riskidir" - Muxtar Ərturan
Etibarnamə ilə ev alanlar evlərini itirə bilər? - EKSPERTDƏN XƏBƏRDARLIQ
Pensiya alanlara ŞAD XƏBƏR! Bu tarixdə ÖDƏNİLƏCƏK
Prezident İlham Əliyev Vyetnama rəsmi səfərə gedib - Foto/Video
BDU-nun müəllimi rektorun qurbanı olub? - Xanımı danışdı
Azərbaycanın valyuta ehtiyatları ÜDM-i üstələyir: Bu maliyyə üstünlüyü nə qədər davam edəcək? - İQTİSADÇIDAN AÇIQLAMA
Rusiya Ukraynaya kütləvi hücumlarını davam etdirir: ölənlər və yaralananlar var
Sələmli borc götürmək ilə sələmçilikdən qazanc əldə etmək eyni deyil - İLAHİYYATÇI
BDU-da ilk rəhbərdən ilk qadın rektora qədər - Sayca 27-cidir