Azərbaycanda dollar yenidən bahalaşır? - AÇIQLAMA

Son günlər ərzində bankların dollar satışında qoyudğu məhdudiyyətlər cəmiyyətdə müəyyən aajiotaja səbəb olub. Əhali arasında yenidən devalvasiyanın olması ilə bağlı müəyyən narahatlıq var. Bəs görəsən bu narahatlığa ciddi əsas varmı? Devalvasiya təhülkəsi gözlənilirmi?

Mövzu ilə bağlı Sonxeber.az-ın suallarını iqtisadçı ekspert Ramin Rəhimov cavablayıb. İqtisadçı cəmiyyətdə ajiotajın yaranma səbəbinin banklar tərəfindən dolların satışına qoyulan məhdudiyyətlərlə bağlı olduğunu bildirib: "AMB tərəfindən banklara fiziki şəxslərə dollar satışı ilə bağlı limit qoyulub. Bu da cəmiyyətdə devalvasiya ilə bağlı müəyyən narahatlıq doğurur. Əslində devalvasiya üçün fundamental əsas yoxdur. Hazırda neftin qiymətində artım müşahidə edilir. Neft gəlirləri büdcəyə xarici valyutada transfer edilir. Bu kimi amillər manatın möhkəmlənməsinə əsas verir. Manata təzyiqin artması ilin sonlarına doğru müşhidə edilir. Bu da idxal –ixrac əməliyyatlarından asılı olaraq tədiyyə balansında baş verən dəyişikliklərlə əlaqədardır".

İqtisadçı onu da bildirib ki, hazırda Azərbaycanda dəyişən siyasət mövcud deyil: "Bazarda təklif olunan xarici valyutanın məbləği kifayət qədər yüksəkdir. Hətta təklif tələbi üstələyir. Bundan başqa manata təzyiqi artıran əsas məqamlardan biri də büdcədə defistin yaranmasıdır. Ötən illə müqayisə etsək bu il dövlət büdcəsində profisit əmələ gəlib. Hazırda xərclərin istiqamətlərinə baxsaq görərik ki, digər strukturlardan büdcə daxilolamaları da kifayət qədər yüksəkdir. Yəni ümumilikdə devalvasiya üçün heç bir əsas yoxdur".

Şəbnəm

Telegramda izləyin