Qubadakı dəhşətli qəzada ölənlərdən ikisinin kimliyi bilindi - YENİLƏNİB + FOTO/VİDEO

Səhər saatlarında Quba rayonunun Alekseyevka kəndində baş verən qəza nəticəsində ölənlərdən ikisinin şəxsiyyəti məlum olub.

Oxu.Az-ın əldə etdiyi məlumata görə, bunlar sürücü Nurlan Süleymanov və sərnişin Məmmədhəsən Əkbərovdur.

Avtomobildə olan şəxslər N. Süleymanovun 24 avqustda təşkil etdiyi ad günü mərasimindən qayıdırmışlar.

Qəzada ölən üç qadının şəxsiyyəti hələlik məlum deyil.

Qeyd edək ki, M. Əkbərov rayondakı toy mərasimlərində operator kimi çalışıb.
10:29
Quba rayonunda yol-nəqliyyat hadisəsi baş verib.

Sonxeber.az-ın məlumatına görə, hadisə rayonun Alekseyevka kəndində qeydə alınıb.

Hərəkətdə olan "Mercedes-Benz" markalı minik avtomobili yol kənarındakı ağaca çırpılıb.

Nəticədə, maşında olan beş nəfər hadisə yerində ölüb. Onların şəxsiyyəti müəyyənləşdirilir.

Hadisə yerinə cəlb olunan Fövqəladə Hallar Nazirliyinin (FHN) Dövlət Yanğından Mühafizə Xidmətinin müvafiq xilasetmə qüvvələri sıxılı vəziyyətdə qalan iki nəfərin meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

Faktla bağlı araşdırma aparılır.

Telegramda izləyin