Peşəsinin vurğunu - jurnalist qadın araşdırma aparmaq üçün ƏXLAQSIZLIQ ETDİ

Fransız jurnalist Suazik Belinə insan alveri ilə bağlı reportaj hazırlamaq tapşırılanda ağlına maraqlı ideya gəlib.

Sonxeber.az lent.az-a istinadən xəbər verir ki, 30 yaşlı qadın başına gələnləri "Le Parisien" saytına danışıb. Jurnalist bildirib ki, ona redaksiyadan tapşırıq veriləndə bir məqalə ilə kifayətlənməyib. İnsan alveri qurbanlarını daha yaxşı anlamaq üçün özü internetdə bu kimi xidmətlər təklif edib. Tezliklə gənc qadın özünə çox sayda müştəri tapıb. Qadına bir neçə yüz avrodan tutmuş ev və avtomobil təklif edənlər də olub.
Ümumilikdə 200 müştəriyə xidmət göstərən qadın 35 000 avro (70 000 AZN) qazanıb. Bundan sonra qadın başına gələnlərlə bağlı kitab yazıb və qiyamət bundan sonra başlayıb.

Onun müştərisi olanlar qadına qarşı sosial şəbəkədə hücuma keçiblər. Hücum edənlərin əsas arqumenti onun eybəcər olmasıdır. Suazik bütün sosial media hesablarını bağlamağa məcbur olub. Bu da bir jurnalist üçün çox çətin işdir.

Tvitterdəki 3 dəqiqəlik videosunda jurnalist qadın deyir ki, heç kim könüllü olaraq əxlaqsızlıqla məşğul olmur. Məcburən bu işə cəlb edilənlərə kömək edib düz yola gətirmək lazımdır.
PS. Jurnalistin müraciətində kifayət qədər maraqlı məqam var, lakin etik səbəbdən bunları yaya bilmirik. Fransız dilini bilənlər İnternetdə tapıb oxuya bilər.

Telegramda izləyin