Şəhid mayor Azayev Asifi siz də tanıyın

Azayev Asif 01.02.1985-ci ildə Şamaxı rayon Həmyəli kəndində anadan olmuşdur. 1991-ci ildə Şamaxı rayon Həmyəli kənd tam orta məktəbinin 1-ci sinifinə daxil olmuşdur.1997-ci ildə C.Naxçıvanski adına hərbi liseyə daxil olmuş, 2003-cü ildə həmin liseyi yüksək naliyyətlərlə bitirmişdir və eyni ildə H.Əliyev adına Ali hərbi akademiyasının I kursuna daxil olmuşdur. A.Azayev 2007-ci ildə akademiyanın yüksək qiymətlər və təşəkkürnamlərlə bitirmiş, leytenant hərbi rütbəsinə yiyələnmişdir. A.Azayev Müdafiyyə Nazirliyinin Bakı ətrafı hərbi hissələrinə təyinat alsada öz istəyi və xahişi ilə bundan imtina edərək MN-nin cəbhənin ön xətdində yerləşən N saylı hərbi hissəsinə xidmətə yollanmışdır. İlk olaraq Tovuz rayonunun Ağdam kəndində sonra isə Murovdağ və Murovdağ yüksəkliyində olan xidməti postlarda xidmətini davam etdirmişdi.
Gənc və peşəkar zabit olan Asif Azayev xidmət etdiyi ön cəbhələrdə, dəfələrlə rəhbərlik tərəfindən medal və fəxri fərmanlarla təltif olunmuşdur.
2016-cı ildə "Aprel döyüşlərində" fəal iştirak etmiş və xüsusi şücaət göstərmişdi. Asif Azayev bu qısa zaman ərzində mayor rütbəsinə yüksəlmişdir. Mayor Azayev rəhbərliyin göstərişi əsasında MN-nin Pürəşküldə yerləşən N saylı hərbi hissəsinə Taborun Qərargah rəisi vəzifəsinə göndərilmişdir. Mayor Azayev xidməti illərində şəxsi heyyətin və rəhbərliyin rəğbət və inamını qazanmışdır. Öz tabeliyində olan şəxsi heyyətin döyüş əhval-ruhiyyəsində yetişdirir və vətənə, torpağa olan sevgisini, düşmənə olan nifrətini şəxsi heyyətə aşlayırdı. Müxtəlif təlimlərdə iştirak edən mayor Azayev və şəxsi heyyəti dəfələrlə fəxri fərmanlar və medallarla təltif olunmuşdur. (Xidmət etdiyi illərdə ordunun 90 illiyi, ordunun 95 illiyi, ordunun 100 illiyi, qüsursuz xidmətə görə III dərəcəli, qüsursuz xidmətə görə II dərəcəli medallarla təltif edilmişdir)
27.09.2020-ci ildə başlayan Vətən müharibəsinə yollanan qərargah rəisi mayor Azayev bir necə gün keçdikdən sonra tabor komandiri vəzifəsinə təyin olunmuşdur. Peşəkar və istedadlı döyüşçü olan mayor Azayev Füzuli, Cəbrayıl, Qubadlı rayon və kəndlərini işğaldan azad edilməsində xüsusilə seçilən zabitlərdəndi.
Asif Azayev bu döyüşlərdə dərindən iştirak edib düşmənə sarsıdıcı zərbələr endirir və düşmənin hərbi texnikalarını qənimət kimi götürür və düşmənin özünə qarşı istifadə edir. Tabor komandiri olan Asif Azayev döyüşləri arxadan, komanda məntəqəsindən deyil, əskərlərindən öndə döyüş yoldaşları ilə çiyin-çiyinə idarə edirdi. Peşəkar zabit olaraq öz şəxsi heyyətini daha az itkisiz və daha çox irəlləməyi bacarırdı.
Komandir dəfələrlə mühasirələrə düşməsinə baxmayaraq tabeliyində olan şəxsi heyyəti itkisiz mühasirədən çıxarır düşməni darmadağın etməyi bacarırdı. Döyüş tapşırıqlarını dəqiq və peşəkarlıqla yerinə yetirən tabor komandiri, döyüş meydanında belə rəhbərlik və yüksək rütbəli generallar tərəfindən bağrına basılıb və mükafatlandırılmışdır. Şəxsi heyyəti göz bəbəyi kimi qoruyan komandir əskərlərini öz övladları kimi sevib onlarda yüksək döyüş əhval-ruhiyyəsi yaratmağı bacarmışdı.
Füzulinin azad olunmasında gedən şiddətli döyüşlərdə yaralanmasına baxmayaraq, hərbi tibb məntəqəsinə getməkdən imtina edib və döyüşlərə qayıdır. Füzulini azad etdikdən sonra öz şəxsi heyyətilə birlikdə Şuşaya gedən yolu düşməndən təmizləmək və stroteji mövqeyləri tutmaq əmri verilir. Vaxt itirmədən verilən əmrin icrasına başlayan komandir şiddətli döyüşlərə girir, döyüşlər zamanı mühasirəyə düşməsinə baxmayaraq, döyüş tapşırığını yerinə yetirməyi bacarır. Komandir axrıncı əskərinə qədər mühasirədən çıxarır və həmin yolu düşməndən təmizləyir və Şuşaya gedən əsas yol ordumuzun nəzarətinə keçir. 20.10.2020-ci il tarixində gedən şiddətli döyüşlərdə qəhramancasına Şəhidlik zirvəsinə ucalır.
Ölümündən sonra Ali Baş Komandan cənab İlham Əliyev tərəfindən "Rəşadət ordeni", "Vətən uğrunda" medalı, "Füzulinin azad olunmasına görə" medalı ilə təltif olunur.
Ailəli idi üç azyaşlı oğul övladları var.

Telegramda izləyin