Sosial şəbəkədə yayılan daha bir foto ÜRƏKLƏRİ DAĞLADI

Narkotik gənc nəsli məhv etməyə davam edir.

Sonxeber.az-ın məlumatına görə, sosial şəbəkədə yayılan 29 yaşlı gənc xanımın fotosu ürək dağlayıb.

Sosial şəbəkə istifadəçisi Rumiyyə Aslan adlı xanım mənzərə qarşısında dəhşətə gəldiyini qeyd edib.

O bildirib ki, heç bir yer onu qəbul etməsə də, gənc qadını ortada tək qoya bilməyib:

"Bu narkotikin məhv etdiyi daha bir qadın, daha bir faciədir. 1993-cü il təvəllüdlü Vüsalə, 29 yox, 92 yaşlı qadına dönüb. Onun bütün bədəni yaradır, yaralarından isə irin tökülür, bədənində əl vurmağa salamat yer qalmayıb, rəsmən leş qoxusu verir, burnundan belə irin tökülür. Səhiyyə Nazirliyindən Elvin bəyin köməkliyi ilə Narkoloji dispanserə apardım. Təəssüf ki, həm yaralara, həm də gəzə bilmədiyinə, tualetə belə gedə bilmədiyinə görə qəbul etmədilər. Dispanserdə yataq xəstələri üçün şərait və reanimasiya yoxdur. Ancaq Vüsaləni o durumda qoyub gedə bilməzdim. Sağ olsun Aynurə xanım, uzun danışıqlardan sonra "Respublikanski" xəstəxanasından yer ala bildi. BŞTTY-nin baş həkim müavini Nurlana xanımn köməyi ilə təcili yardımla aparıb xəstəxanaya yerləşdirdim. Ancaq onun sağalacağına inanmıram. Sağalsa belə, ayağı amputasiya olunacaq.

Həyatımda ilk dəfə idi, kiminsə ölməsini istəyirdim. Neçə gündür sağalması üçün Allaha yalvardığım adamın ölümünü arzuladım. Həm də çox dəhşətli mənzərə, dəhşətli durumdur. Onu axtardığım müddətdə nə qədər onun kimisi ilə qarşılaşdım.

Xahiş edirəm, övladlarımıza sahib çıxaq, bu bəlaya yuvarlanmalarına mane olaq! Vüsalə və Vüsalə kimilərini göstərək, baxıb dərs alsınlar, nəticə götürsünlər. Vallah, çox faciəvi vəziyyətdəyik. Bir qədər də davam eləsə, salamat gənc qalmayacaq. "SOS" zamanı çoxdan keçib..."

Aysel SƏFƏRZADƏ

Telegramda izləyin