Azərbaycanda 17 yaşlı gənc FACİƏVİ ŞƏKİLDƏ ÖLDÜ - VİDEO

İki müxtəlif rayonda elektrik cərəyanı can alıb. Şirvanda 17 yaşlı yeniyetmə, şamaxıda isə 53 yaşlı kişi dünyasını dəyişib.

17 yaşlı yeniyetməni elektrik cərəyanı vuraraq öldürüb.

Hadisə səhər saatlarında Şirvan şəhəri Şəhriyar küçəsində qeydə alınıb. Həmin ərazidə yerləşən elektrik transformatorunun yaxınlığında şəxsiyyəti məlum olmayan yeniyetmənin meyiti aşkar edilib. Hadisə yerinə hüquq-mühafizə orqanları cəlb olunub.

Yeniyetmənin meyiti müayinə olunması üçün Şirvan Məhkəmə Tibbi Ekspertiza və Patoloji Anatomiya şöbəsinə aparılıb. Araşdırmalar zamanı həmin şəxsin Şirvan şəhər sakini, 17 yaşlı Əli Ələkbərov olduğu müəyyən edilib. Tibbi ekspertiza yeniyetmənin elektrik cərəyanı vurması nəticəsində öldüyünü təsdiqləyib.

Ehtimal olunur ki, ötən gün aramsız yağan yağışlar nəticəsində trasformatorun ətrafında elektrik dirəyində nəmişlik yaranıb. Bu zaman elektrik dirəyində elektrik enerjisinin keçiriciliyi artıb. Nəticədə dirəyə toxunan yeniyetməni elektrik enerjisi vuraraq öldürüb.
Şamaxı rayonunda da bədbəxt hadisə baş verib. Hadisə zamanı "Aztelekom" MMC-nin əməkdaşı yüksək gərginlikli elektrik naqilinə toxunması nəticəsində dünyasını dəyişib..

Qurumun Dağlıq Şirvan Regional Telekommunikasiya Qovşağının Şamaxı şöbəsinin Çuxuryurd məntəqəsində elektrik təmirçisi vəzifəsində işləyən 53 yaşlı Cahangir Tanrıverdiyev telefon xəttinin çəkilişini həyata keçirən zaman telefon naqili yüksək gərginlikli elektrik xəttinə toxunub və nəticədə o, dünyasını dəyişib.

Hər iki faktla bağlı rayon prokurorluqlarında araşdırma aparılır

Telegramda izləyin