Azərbaycan Respublikası Prezidentinin Administrasiyası Xocalıda baş tutan görüşlə bağlı məlumat yaydı

Azərbaycan Respublikası Prezidentinin Administrasiyası Xocalıda baş tutan görüşlə bağlı məlumat yaydı2023-cü il sentyabrın 25-də Xocalı şəhərində Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədovun Qarabağın erməni sakinlərinin təmsilçiləri ilə növbəti görüşü keçirilib.

Konstruktiv mühitdə keçən görüşdə sentyabrın 21-də Yevlax şəhərində müzakirə edilmiş məsələlərin həlli istiqamətində atılan addımlardan, xüsusilə qısa müddətdə humanitar yardımın təminatı, yanacaq təchizatı və elektrik verilişinin bərpasından razılıq ifadə olunub.

Qarabağın erməni sakinləri ilə təmaslar üzrə məsul şəxs Ramin Məmmədov bundan sonrakı mərhələdə həyata keçiriləcək tədbirlər haqqında məlumat verib. Qeyd olunub ki, bəzi yaşayış məntəqələrində tənha vəziyyətdə müəyyən edilmiş erməni əsilli yaşlı sakinlərə ilkin tibbi yardım göstərilib və onlar həkim nəzarəti altında saxlanılırlar. Beynəlxalq Qırmızı Xaç Komitəsinin nümayəndələrinin həmin şəxslərlə görüşünə şərait yaradılması, onların ailə üzvlərinə və ya müvafiq tibb müəssisələrinə təhvil verilməsi təklif edilib.

Azərbaycan Respublikası Baş nazirinin müavini Şahin Mustafayevin sosial-humanitar, iqtisadi və infrastruktur məsələlərin həlli üzrə rəhbərlik etdiyi işçi qrupun üzvlərinin cari fəaliyyət istiqamətlərini müəyyən etmək məqsədilə Xankəndi şəhəri də daxil olmaqla ərazidə kommunal, səhiyyə xidmətləri və digər mülki fəaliyyətlə məşğul olan müvafiq nümayəndələrlə görüşünün təşkili və birgə işçi qrupunun yaradılması barədə razılıq əldə olunub.

Təklif olunub ki, Xankəndi şəhəri yaxınlığında və ya Xocalı istiqamətində qurulması təklif olunan səhra hospitalında səhiyyə xidmətləri Azərbaycan və erməni əsilli tibb heyəti tərəfindən birgə təşkil edilsin. Həmçinin Azərbaycan və erməni xidmət personalı tərəfindən mobil qida təminatı xidmətinin yaradılması təklif edilib.

Xroniki ağır xəstəliklərdən əziyyət çəkən və ya xüsusi cərrahiyyə əməliyyatına ehtiyacı olan şəxslərə zəruri tibbi yardımın göstərilməsinə hazırlıq ifadə olunub.

Bununla yanaşı, görüşdə Azərbaycan və erməni əsilli tibb işçilərindən ibarət səyyar birgə həkim briqadalarının formalaşdırılması, həmin briqadalar tərəfindən ucqar kəndlərdə tənha və tibbi xidmətə ehtiyacı olan şəxslərə xidmət göstərilməsinin vacibliyi vurğulanıb.

Qarabağ iqtisadi rayonunda yaşayan erməni əsilli vətəndaş cəmiyyəti təmsilçiləri və ictimai fəalların Bakıya və ya Azərbaycanın digər şəhərlərinə səfərlərinin təşkil edilməsi təklifi vurğulanıb və bu cür təşəbbüslərin vətəndaş cəmiyyəti dialoqu platformasının yaradılması, eləcə də etimad quruculuğu tədbirlərinin həyata keçirilməsi baxımından əhəmiyyətli olduğu qeyd edilib.

Görülmüş işlərin yekunlarının müzakirəsi və gələcək addımları müəyyənləşdirmək məqsədilə tezliklə növbəti görüşün keçirilməsi barədə razılıq əldə edilib.


Sonxeber.az Telegramda izləyin instagramda izləyin
Siyasət   Baxılıb: 1973   Tarix: 25 sentyabr 2023  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Moskvada sabiq "kvn"çi, müğənni və teleaparıcı terrorçuluq maddəsi ilə "həbs edilib"...

"Bu, dəhşətlidir, amma mən buna sevinirəm. Ətraflı. Ad - 00:13. Moskvanın Zamoskvoretsk Məhkəməsi istintaqın vəsatəti ilə tanınmış teleaparıcı, "Şən və Hazırcavablar Klubu"nun sabiq üzvü, bloger və ictimai xadim Tatyana Lazarevanın həbsinə order verib. xəbər verir ki, bu barədə "Mediazona"

12 iyul
.

İlham Əliyev icra başçısını vəzifəsindən azad etdi - YENİ TƏYİNAT

Prezident İlham Əliyev Əziz İmran oğlu Əzizovun Bakı şəhəri Suraxanı Rayon İcra Hakimiyyətinin başçısı vəzifəsindən azad edilməsi haqqında Sərəncam imzalayıb. Bununla bağlı məlumat yayıb. Dövlət başçısının digər sərəncamı ilə, Ə.İ.Əzizov Beyləqan Rayon İcra Hakimiyyətinin başçısı təyin edilib

8 iyul
.

İlham Əliyev bəzi şəxslərə diplomatik rütbələr verdi

Prezident İlham Əliyev Azərbaycan Respublikasının diplomatik xidmət orqanları əməkdaşlarına diplomatik rütbələrin verilməsi haqqında Sərəncam imzalayıb. Bununla bağlı məlumat yayıb. Sərəncama əsasən, Azərbaycan Respublikasının diplomatik xidmət orqanlarının aşağıdakı əməkdaşlarına diplomatik rütbələ

8 iyul
.

İlham Əliyev İranın yeni seçilmiş prezidentini təbrik edib

Prezident İlham Əliyev İran İslam Respublikasının yeni seçilmiş Prezidenti Məsud Pezeşkiana təbrik məktubu göndərib. AZƏRTAC xəbər verir ki, təbrik məktubunda deyilir:. "İran İslam Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm. Biz Azərbaycan Respublikas

6 iyul
.

Daşkənddən Şuşaya: Şavkat Mirziyoyevin Azərbaycan mədəniyyətinin beşiyinə səfəri

Özbəkistan Prezidenti Şavkat Mirziyoyevin Mətbuat Xidməti dövlət başçısının Şuşa səfəri ilə bağlı kadrlar paylaşıb. "Prezident Şavkat Mirziyoyev qardaş Azərbaycanın Şuşa şəhərində aparılan quruculuq işləri ilə tanış olub", - deyə paylaşımda bildirilir. Kadrlarda Özbəkistan liderinin Azərbayca

6 iyul
.

Şəxsi məlumatlar internetə SIZDI - Nə baş verir?

Türkiyədə yaşayan suriyalı qaçqınların sənədləri və ünvanları internetə sızıb. xəbər verir ki, bu barədə "RİA Novosti" xməlumat yayıb. Bildirilib ki, bir sıra "Telegram" kanalları suriyalıların pasportlarının və ünvanlarının skan edilmiş məlumat bazalarını dərc edib. Türkiyə Miqrasiy

5 iyul
.

Yeni təyin olunan icra başçıları kimlərdir? - DOSYE

Prezident İlham Əliyevin Sərəncamları ilə Suraxanı, Qusar və Beyləqan rayonlarına yeni icra başçıları təyin edilib. Belə ki, Sahir Polad oğlu Məmmədxanov Qusar Rayon İcra Hakimiyyəti, Əziz İmran oğlu Əzizov Beyləqan Rayon İcra Hakimiyyəti və Adil Abış oğlu Əliyev Bakı şəhəri Suraxanı Rayon İcra Hakimiyyətini

8 iyul
.

Paşinyan Azərbaycanla sərhədə - düz tikanlı məftillərin yanına gəldi və belə yazdı...-VİDEO

Ermənistanın baş naziri Nikol Paşinyan dünən – iyulun 6-da Azərbaycanın Qazax və Tovuz rayonlarıyla sərhəddə yerləşən Tavuş vilayətinə səfəri zamanı "Kirants" adlanan Güney kəndində yeni çəkilən yolda işlərin gedişi ilə tanış olub. Paşinyan bu haqda özünün telegram-kanalında video paylaşı

8 iyul
.

Ceyhun Bayramov Vaşinqtona getdi

Azərbaycanın xarici işlər naziri Ceyhun Bayramov Amerika Birləşmiş Ştatlarına işgüzar səfərə yola düşüb. Bu barədə Xarici İşlər Nazirliyindən məlumat verilib. Məlumata görə, səfər çərçivəsində Ceyhun Bayramovun ABŞ-nin paytaxtı Vaşinqton şəhərində keçiriləcək NATO Zirvə görüşündə iştirakı, habelə bi

9 iyul