"Təcili yardımın gecikməsinin əsas səbəbi tıxac deyil, səhlənkarlıqdır" - EKSPERT

Xarici ölkələrin əksəriyyətində yolların kənarlarından ambulans və yanğından mühafizə maşınları üçün xüsusi yol ayrılıb. Qanun ilə bu yollardan digər avtomobillərin istifadəsi qadağandır. Təcili tibbi yardım maşınlarının gecikməsi xəstənin həyatına riskə ata bilər yaxud ölümü ilə nəticələnə bilər. Çox vaxt təcili tibbi yardım maşınlarının gecikməsi yollarda tıxacın yaranması ilə əlaqləndirirlər. Bu baxımdan ölkə də təcili tibbi yardım maşınları üçün xüsusi zolaqlar ayrıla bilərmi?

Bununla bağlı nəqliyyat məsələləri üzrə ekspert Elməddin Muradlı Sonxeber.az-a bildirib ki, yol hərəkəti qaydalarına sürücülərimiz normal şəkildə əməl etsələr onun üçün əlavə bir zolağa ehtiyac qalmır:

"Təcili yardım maşınları üçün xüsusi zolaq yaradılması biraz qəliz məsələdir. Yol hərəkəti qaydalarına sürücülərimiz normal şəkildə əməl etsələr onun üçün əlavə bir zolağa ehtiyac qalmır. Buda ondan ibarətdir ki, hər bir halda yollarda normal ara məsafəsi saxlanılmalıdır. İki zolaqlı yolu üç zolağa çevirməməliyik. Yəni qaydalar əməl olunsa təcili yardım maşınları daha rahat hərəkət edə bilər. Ancaq son dövrlər Bakı şəhərində küçələrdə avtobus zolaqları yaradılıb. Həmin zolaqlarda operativ nəqliyyat vasitələrinin hərəkəti mümkündür. Hər bir sürücü təcili yardım, polis, yanğınsöndürən maşınına yol verməyə çalışmalıdır. Bu qanunla onların borcudur. Hər birimiz onlara üstün hərəkət hüququna malik olduqları üçün yol verməliyik. Ancaq təcili yardımın gecikməsinin əsas səbəblərinə baxsaq burada tıxac məsələsindən çox birazda səhlənkarlıq var. Xüsusilə bayram günlərində gördük ki, nə qədər insan narazılıq etdi. Bu normal bir hal deyil. Bunu başqa səbəblər ilə əlaqələndirmək lazım deyil. İşi düzgün qurmaq lazımdır. Vacib olan məqam odur ki, işi normal şəkildə görəsən. Belə olan harda problemdə yaşanmır".

Sevda Səfərova

Telegramda izləyin