Uzunqulaq südü qızılcaya necə təsir edir? - VİDEO

Özü ucuz olsa da, südü baha qiymətə satılır. Hətta mal-qara, qoyun, keçi südü belə ondan daha ucuzdur. Söhbət uzunqulaqdan gedir. İldə bir bala verən heyvan gündə 500-600 qram süd verə bilir.Uzunqulaq südünün 100 qramı 5-10 manata satılır. Sözügedən canlı az süd versə də, onun məhsulu bir çox xəstəliklərin çarəsi hesab olunur. Xüsusən son zamanlar daha çox yayılan qızılcaya yoluxanların uzunqulaq südü qəbul etdikdə bu xəstəliyi rahat keçirdiyi iddia edilir.

Sonxeber.az xəbər verir ki, Yevlax rayonunun Qaraoğlan kəndində yaşayanlar "Baku Tv"yə onun çox faydalı olduğunu bildiriblər.

"Göy öskürəyə, qızılcaya, qızdırmaya qarşı çox xeyri var. Nəvələrimə uzunqulaq südü verdim, qızılcanı rahat keçirdi, tez sağaldı", – kənd sakini deyib.

Həkim Mikayıl Əliyev uzunqulaq südünün qızılca virusunun müalicəsində istifadəsini məqbul hesab edir:

"Əgər həkimlər uşağın immunitetini qaldırmaq üçün dərmanlardan istifadə edə bilmirlərsə, xəstə vaxtında səpə bilmirsə, bu zaman uzunqulaq südündən istifadəni məqbul sayıram".

Telegramda izləyin