16 yaşlı qızı qaçıran oğlanı hansı cəza gözləyir?

Ötən gün bir-birinə qoşulub qaçan Ruslan və Yeganə cütlüyünün toyları sosial şəbəkələrdə müzakirələrə səbəb olub. Fiziki məhdudiyyəti olan 32 yaşlı Ruslan hazırda 16 yaşlı Yeganə ilə nikahsız yaşayır. Ruslanın sözlərinə görə, Yeganənin ailəsi fiziki məhdudiyyəti olduğu üçün onların ailə qurmasına razı deyildilər, ona görə də onlar qaçıb.

Bəs nigah yaşına çatmayan qızın qaçıran oğlanı hansı cəza gözləyir?

Mövzu ilə bağlı BiG.AZ-a vəkil Ramil Süleymanov açıqlama verib.
O bildirib ki, Azərbaycan Respublikasının Cinayət Məcəlləsinin 152-ci maddəsinə görə, 16 yaşına çatmayan şəxslə cinsi əlaqədə olmaq və ya seksual xarakterli hərəkətlər etmək cinayət məsuliyyəti yaradır. Burda tələb olunan hal odur ki, 16 yaşına çatmayan şəxslə cinsi əlaqədə olan şəxs arasında 2 yaş fərq olsun. 152.1-ci maddənin tələbinə əsasən, nəzərdə tutalan sanksiya 3 ilə qədər müəyyən vəzifə tutmaq səlahiyyətindən məhrum edilməklə, 1 ildən 3 ilə qədər azadlıqdan məhrum edilir.

Vəkil öz istəyi ilə qaçan qızlardan da söz açıb:

"Bəzən belə də olur ki, qız əvvəlcə öz istəyi ilə qaçır. Lakin sonradan istintaq orqanında ifadə zamanı obyektiv və subyektiv səbəblərdən - məsələn, atasının və qohumlarının basqısından dolayı zorla qaçırıldığını bildirir. Bu zaman qızı qaçıran oğlan olduqca pis vəziyyətdə qalır və əlində qızın könüllü qaçdığına dair sübut yoxdursa, həmin qaçıran şəxsi çox çətin günlər gözləyir. Yəni qızın qaçmağa razılıq verməsi hələ qızın fikrini dəyişməyəcəyi anlamına gəlmir".

Telegramda izləyin