3 ildir həyətində qaz sızması var, problemi həll edən YOXDUR - VİDEO

Torpağın altından keçən qaz xətti çürüyüb. Xətt çürüdüyündən yerdəki su fışqırır. Kürdəmir rayon Qaraqocalı kənd sakini Mayis Nəsirovun sözlərinə görə, illər əvvəl kəndə çəkilən iki qazın xətti onun həyətindən keçir.

Sonxeber.az xəbər verir ki, Mayis Nəsirov "Xəzər Xəbər"ə həyətdən keçən xəttin qəzalı vəziyyətə düşdüyünü deyib . Buna görə də qaz sızması baş verib.

"3 ildir qaz sızması var və getdikcə böyüyür. Yayda daha vəziyyət daha təhlükəli olur".

Mayis Nəsirov iddia edir ki, kəndə yeni qaz xətti çəkilən zaman köhnədən qalan materiallardan istifadə olunub. Börularda elə torpağın altında qalıb.

"Turba Sovet dönəmində çəkilən turbadır. Sonradan qaz olmayan müddətdə həyətdən çıxardılar. Qazlaşma olanda təzədən gətirib çəkdilər".

Məsələ ilə bağlı Azəriqaz İstehsalat Birliyindən "Xəzər Xəbər"ə bildirdilər ki, abonentlər hasar çəkərkən boru kəmərləri həyətyanı sahədə qalır. Bir müddət sonra isə belə problemlər yaşanır və qurum onlara xidmət göstərə bilmir.

Ətraflı "Xəzər Xəbər"in süjetində:

Telegramda izləyin