"Evimi özlərininki hesab edirlər" - İki qardaş kirayə yaşadıqları evə sahib çıxmaq istəyir? - VİDEO

Fuad İbrahimbəyov 16 ünvanında yaşayan Ramal Abdullayev iddia edir ki, 20 ildir ki, yaşadığı evi başqa şəxs satıb. İndi isə "Nizami City" adlı şirkət evi sökür.

Sonxeber.az xəbər verir ki, mövzu ilə bağlı "Apa TV"nin əməkdaşları sözügedən ünvanda olub. Çəkilişi görən işçilər söküntünü dayandırıblar. Eyni zamanda Ramal Abdullayev qeyd edir ki, evə gediş-gəliş bağlanıb. Qaz, işıq və su kəsilib.

"Biz 20 ildir burada yaşayırıq. Fuad İbrahimbəyov 16D adlı saxta sənəd çıxartdırılıb. Bununla da "Nizami City" şirkətinə satışı edilib. Biz buradan hər gün təzyiqlər edilir. Suyumuzu və işığımızı kəsiblər. Baxın görün. Bu vəziyyətdə mənim ailə üzvlərim necə gedib gələk. İnzibati məhkəmədə olan işdir. Bunu mən yox, inzibati məhkəmə çıxartdırıb. İnşallah ki, saxta olduğunu qərar verəcəklər".

Məsələ ilə bağlı şirkətlə əlaqə saxlanılıb. Şirkətin hüquqşünası bildirib ki, sənədlərin saxta olub-olmadığına heç kim qərar verə bilməz:

"Sərəncamı bizə təqdim edən şəxslə - Asif bəylə müqavilə bağlamışıq. O müqaviləyə görə Asif bəy evi bizə təhvil verməlidir".

Ətraflı "Apa TV"nin süjetində:

Telegramda izləyin