Məşhur atlet sevgilisi tərəfindən yandırılaraq öldürüldü

Rebekka Çepteqey Uqandanın aparıcı idmançılarından biri idi. O, ölkəsini böyük idman təşkilatlarında təmsil edən uğurlu marafonçu olub.

İdmanın ona bəxş etdiyi nizam-intizam, tarazlıq, düzgün mühakimə qabiliyyəti kimi xüsusiyyətlər ona sevgili seçimində kömək etməyib.

Sonxeber.az türk mediasına istinadən xəbər verir ki, Keniyadan olan deyilən sevgilisi Rebekka ilə mübahisə edən zaman üstünə benzin tökərək yandırıb. O, xəstəxanaya çatdırılsa da, bir neçə gündən sonra - sentyabrın 5-də dünyasını dəyişib. Onun 33 yaşı var idi.

Bu, qəbul etmək çətin olan bir ölümdür. Duyğuları və xəyalları olan bir insan düşünün. Bu insan sadəcə "əsəbiləşən" vəhşi bir kişi tərəfindən həyatdan dəhşətli şəkildə qoparıla bilər. Fiziki gücündən başqa heç nəyi olmayan insan özündən zəif olan başqa bir həyatı "yandıra" bilər.

Rəqiblərini geridə qoyub rekordlar qıracaq qədər sürətlə qaçan Rebekka o vəhşidən qaça bilməyib. Bu isə o deməkdir ki, vəhşiliyin sürəti ilə ayaqlaşmaq mümkün deyil.

Kişi vəhşiliyi qarşısında böyük, yeniyetmə, hətta uşaq olmağınızın fərqi yoxdur. Onlar sadəcə özlərindən zəif olduğu üçün öldürür qadınları.

Telegramda izləyin