Yaralansa da, döyüşə yenidən atıldı: düşmən təxribatını dəf edərkən qəhrəmancasına ŞƏHİD OLDU - VİDEO

Vətən müharibəsində erməni silahlı birləşmələrinin təxribatını dəf edərkən qəhrəmancasına vuruşan igidlərimizdən biri də baş leytenant Cavidan Bədəlovdur. Doğulub boya-başa çatdığı İsmayıllının Talıstan kəndində dəfn olunan şəhidin vətən sevgisi onu doğuş meydanına səslədiyi üçün o bu döyüşlərə sanki sevinərək qatıldı. Öz igidliyi və qəhrəmanlığı ilə obaya gərəkli övlad, vətəninə isə layiqli oğul oldu. Vətən onu, o isə vətən yolunu seçdi.

Sonxeber.az xəbər verir ki, şəhidimizin qəhrəmanlıq yolu haqqında Aztv süjet hazırlayıb.

44 günlük Vətən müharibəsi zamanı sərhəd qoşunlarının xüsusi kəşfiyyat dəstəsinin komandiri olan Cavidan Bədəlov ön sıralarda vuruşaraq ağır yaralanıb. O əlillik dərəcəsindən imtina edib. Ordu sıralarına qayıdan qəhrəman ön sıralara qatılıb. Eyni gündə iki qardaş müxtəlif istiqamətlərdə savaşlara qatıldılar:

"Mən Kəlbəcər istiqamətində, qardaşım isə Daşkəsən rayonu istiqamətində əməliyyatlarda iştirak edib".

İki il əvvəl 2022-ci ilin sentyabrın 12-i gecə və 13-ü səhər saatlarında Ermənistan Silahlı Qüvvələri yenidən Azərbaycanla dövlət sərhədini Daşkəsən, Kəlbəcər, Laçın və Zəngilan istiqamətində genişmiqyaslı təxribata əl atdı. Baş leytenant Bədəlov ilə birlikdə 50-yə yaxın hərbi qulluqçu düşmən təxribatının qarşısını alan zaman qəhrəmancasına şəhid oldu.

Daha ətraflı Aztv-nin süjetində:

Telegramda izləyin