Frankofoniya sammiti YAXINLAŞIR: Sentyabrın 21-dən sonra regionda TƏXRİBATLAR GÖZLƏNİLİR? - ŞƏRH

Fransa Prezidenti Emmanuel Makronun sentyabrın 21-də Ermənistana gözlənilən səfəri təxirə salınıb. Bu barədə mətbuatda məlumatlar yayılıb. Təxminən 10 gündən sonra Fransa hökumətinin Baş nazir Nikol Paşinyanı iştiraka dəvət etdiyi Viller-Koter şəhərində 19-cu Frankofoniya sammiti keçiriləcək. Sammit Ermənistan üçün strateji əhəmiyyət kəsb edir, çünki siyasi, hərbi, mədəni və digər sahələrdə çoxsahəli əməkdaşlıq gözlənilir. Frankfoniya sammitinin arxa planında nə dayanır? Bu görüş yeni təxribatların yaranmasına zəmin yarada bilər?

Mövzunu Sonxeber.az-a şərh edən siyasi şərhçi Faiq Ələbərli deyib ki, Fransa-Ermənistan münasibətlərini yeni bir mərhələyə keçməsi məhz Rusiya-Ermənistan korlanmasından sonra baş verir:

"Müəyyən dönəmlərdə Rusiya ön planda olduğu üçün Fransa kölgədə qalırdı. İndi isə Fransa iki dövlət arasında münasibətlərin mənfiyə doğru irəliləməsindən istifadə edərək özünü himayəçi kimi aparır. Ermənistana isə bütün sahələrdə dəstək verdiyini ortaya qoyur. Hətta bir neçə dəfə Fransa prezidentinin Ermənistana dəvət olunması məsələsi gündəmə gəlmişdi. Görünür ki, bunun gerçəkləşməməsinin bəzi səbəbləri var. Rusiya və digər amillər bu səfərin gerçəkləşməsində problem yaradır. Buna baxmayaraq Fransa Ermənistanı müəyyən beynəlxalq tədbirlərə dəvət edir. Bunlardan biri Frankofoniya sammitidir. Bu sammit Fransanın başçılığı altında və Fransanın bir güc kimi olduğunu göstərmək məqsədilə keçirilir. Fransa özünü dünyada və Avropada yeni bir güc kimi təqdim edir. Ermənistanı burada yanına alır".

Siyasi şərhçinin sözlərinə görə, bütün hallarda Ermənistana hər cür hərbi siyasi iqtisadi dəstəyini nümayiş etməklə Fransa öz ətrafında güc formalaşdırmağa çalışır:

"Frankfoniya sammitinda əsas məsələyə Fransanın Ermənistandakı təsirini artırmaqdır. Bu həll olunduqdan sonra Makronun səfəri Ermənistana daha təntənəli surətdə həyata keçiriləcək. Fransa Ermənistana elə belə gəlmək istəmir. Bunun nəticəsində Azərbaycana müəyyən güc nümayiş etdirmək istəyəcəklər. Müəyyən mənada ermənilərin fəallaşması, təxribatların baş verməsi gözlənilir. Hansısa bir təxribatların olması istisna olunmur. Bu sammit əsas buna köklənib. Bütün hallarda bu ssenari baş tutmayacaq. Azərbaycan Ermənistana öz sözünü demişdi və Fransanın himayədarlığı heç bir şeyi dəyişməyəcək".

Sevda Səfərova

Telegramda izləyin

instagramda izləyin