Məşhur model avtobus dayanacağında öldürüldü

Kosta-Rikada 29 yaşlı model Yuliana Kastillo Sançes silahlı hücuma məruz qalıb.

Sonxeber.az xarici mediaya istinadən xəbər verir ki, hadisə Yuliana avtobus dayanacağında gözləyərkən baş verib. Motosikletli iki şübhəli gənc qadınla qısa mübahisədən sonra ons atəş açıb. Başından güllə yarası alan Yuliana hadisə yerində dünyasını dəyişib.

Polis hadisənin təfərrüatlarını belə açıqlayıb: "Zərərçəkmiş avtobusa minmək istəyərkən motosikletli iki kişi ilə qarşılaşıb. Aralarında yaranan mübahisə nəticəsində şübhəlilərdən biri silahla ona atəş açıb. Şübhəlilər sürətlə hadisə yerindən qaçıblar"

Polis modelin heç bir əşyası oğurlanmadığı üçün hadisənin oğurluq səbəbindən baş vermədiyini düşünür.

Təxminən 15.000 izləyicisi olan model Yuliananın 8 və 4 yaşlı iki uşağı olduğu bildirilib.

"Yuliana övladlarına daha yaxşı gələcək təmin etmək üçün çox çalışan gözəl ana idi" deyə onun yaxınlarından biri bildirib.

Polis hadisə ilə bağlı araşdırmalarını davam etdirir. Şübhəlilərin şəxsiyyəti və hücumun dəqiq səbəbi hələlik müəyyən edilməyib.

Telegramda izləyin