Məktəbə göndərdiyi oğlunu görün nə halda tapdı

Rizedə məktəb həyətində oynayan 2-ci sinif şagirdi A.Kasap (7)ın üstünə dəmir qapı düşüb.

Sonxeber.az türk mediasına istinadən xəbər verir ki, hadisə ötən gün Taşlıdere rayonundakı Taşlıdere Qazi məktəbinin bağçasında baş verib. Məktəbin 2-ci sinif şagirdi A.Kasap dərsdən sonra bağçada oynayarkən məktəbin dəmir darvazası onun üstünə aşıb. Dəmir qapının altında qalan uşağın ayağı və başı əzilib. Ətrafdakıların məlumatı ilə ünvana gələn təcili tibbi yardım əməkdaşları uşağı xəstəxanaya çatdırıb. Onun ayağında sınıq aşkarlanıb.

Hadisə ilə bağlı araşdırma başladılıb.

Uşağın anası Sevinç Kasap: "Həmişə uşağımı "heç yerə getmə" deyə xəbərdar edərdim. Kaş məktəb bağçasında olmasaydı. Hadisəni eşidəndə şoka düşdüm. Məktəbi məhkəməyə verəcəm. Oğlumun ayağı sınıb, başı zədələnib, qulağının arxası çox pisdir. O yatarkən yuxusunda belə ağlayır", - deyə bildirib.

Telegramda izləyin