Bir qəbirdən üç nəfərə aid qalıqlar aşkarlandı: ŞOK HADİSƏ

İzmirin Buca rayonunda açılan qəbirdə məzar sahibindən başqa iki nəfərə məxsus insan sümükləri tapılıb.

Sonxeber.az türk mediasına istinadən xəbər verir ki, sümüklər şəxsiyyətlərinin müəyyən edilməsi üçün araşdırma başladılıb.

Oktyabrın 4-də dünyasını dəyişən Kübra Küntaşın cənazəsi ailəsi tərəfindən Köhnə Buca qəbiristanlığında, 45 il əvvəl dünyasını dəyişən babası Nurəddin Küntaşın məzarının yanında dəfn ediləcəkdi. Mərhumu dəfn etmək üçün qazıntı edərkən Nurettin Küntaşın məzarı açılıb və bu zaman buradan qara torbaya qoyulmuş insan sümükləri tapılıb.

Ailə yaxınları sümüklərin mərhuma aid olmadığını deyib. Bundan sonra torbadakı sümük parçaları səlahiyyətlilərə təhvil verilib.

İzmir Respublika Baş Prokurorluğu tərəfindən məzarda araşdırma aparılıb. İki nəfərə aid olduğu təsbit edilən sümüklər şəxsiyyətinin müəyyən edilməsi və DNT analizi üçün İstanbul Ədli Tibb Qurumuna göndərilib.

Telegramda izləyin