Hərəkətdə olan avtobus sürücüsünü bıçaqlayıb öldürdü - GÖRÜN HANSI SƏBƏBDƏN

Argentinanın Qlew şəhərində dəhşətli qətl hadisəsi baş verib.

Sonxeber.az xarici mediaya istinadən xəbər veir ki, 506-cı xətt üzrə işləyən avtobus sürücüsü Leonardo Figueroa (43) sükan arxasında olarkən bıçaqlanaraq öldürülüb.

Təhlükəsizlik kameralarına düşən görüntülərdə maska taxan sərnişinin avtobusa mindiyi və sürücü ilə qısa söhbətdən sonra ona qəfil hücum etdiyi görünür. Sürücüyə qarın nahiyəsindən iki bıçaq zərbəsi vuran şübhəli hərəkətdə olan avtobusdan tullanaraq qaçıb.

Polis hücum edənin Jesús Calipsto (57) olduğunu müəyyən edib. Hadisədən sonra polis bölməsinə gələn şübhəlinin həyat yoldaşı qətlin şok səbəbini açıqlayıb. Qadın etiraf edib ki, əri onun sürücü ilə münasibətindən xəbər tutub və buna görə də qətli törədib.

Ağır yaralanan sürücü xəstəxanaya çatdırılsa da, edilən bütün müdaxilələrə baxmayaraq onun həyatını xilas etmək mümkün olmayıb.

Səlahiyyətlilər qətlin heç bir quldurluq və ya başqa səbəbinin olmadığını və bunun tamamilə qısqanclıq zəminində törədildiyini təsdiqləyiblər. Hadisənin şahidləri ifadə verməyə davam edir.

Telegramda izləyin