10-cu mərtəbədən yıxılaraq ölən hamilə qadının bətnindəki körpə möcüzə nəticəsində sağ qalıb

İngiltərənin Lids şəhərində faciəvi hadisə baş verib. Hamiləliyinin son dövründə olan Emma Atkinson 10-cu mərtəbədən yıxılaraq dünyasını dəyişsə də, körpəsi möcüzə nəticəsində sağ qalıb.

Soxeber.az xarici mediaya istinadən xəbər verir ki, otuz yaşlı beş uşaq anası Emma Şekspir Tovers yaşayış binasının 10-cu mərtəbəsindən yıxılıb. Hadisədən sonra dərhal xəstəxanaya çatdırılan Emmanı xilas etmək mümkün olmasa da, həkimlər təcili keysəriyyə əməliyyatı ilə körpəni xilas edə biliblər.

Beş həftə tez doğulan və adı Pozi olan körpə hazırda reanimasiyada müalicə alır. Paylaşılan ilk fotoda o, küvəz ağız və burnunda borularla yatarkən görünür. Bacısı Deminin əlini məhəbbətlə körpənin sinəsinə qoyaraq çəkdirdiyi foto sosial şəbəkədə emosional anlar yaradıb.

Emmanın ölümündən cəmi bir ay əvvəl sosial şəbəkədəki son paylaşımı ürək ağrıdıcı idi. O, qürurla qarnını nümayiş etdirdiyi fotonun altına "Qız övladım olacaq, çox xoşbəxtəm" sözlərini yazıb.

Hadisə yerində yaşayan şahid bildirib ki, əvvəlcə yüksək səs, ardınca qışqırıqlar eşidib. Bölgədə yaşayan Mandy Shires, "Bu yüksəklikdən düşən birinin sağ qalma şansı yox idi, ancaq körpənin sağ qalması möcüzədir. Biz hamımız kiçik qızın sağalması üçün dua edirik" - dedi. Polis hadisədə şübhəli heç nə yoxdur dedi. Hadisə yerinin ətrafında güllər və şarlar qalıb.

Emmanın dostları və ailəsi sosial şəbəkədə paylaşdıqları mesajlarla onu anıblar.

Vüsalə İbrahimli

Telegramda izləyin