Heç vaxt evlənməyən kişiyə məhkəmədən boşanma ərizəsi göndərildi

İzmirdə Bayraklı rayonunda heç vaxt evil olmayan 32 yaşlı Aytuğ Arduçun evinə boşanma ərizəsi göndərilib.

Sonxeber.az türk mediasına istinadən xəbər verir ki, heç vaxt evli olmayan Arduç, Adıyaman Gölbaşı 2-ci Mülki Məhkəməsinin öz adına göndərdiyi "Ailə birliyinin təməli sarsıldığı üçün boşanma" ərizəsini görəndə təəccüblənib.

O sonradan bu məktubla bağlı vəkilindən soruşub. Vəkil bildirişdə texniki səhv olduğunu öyrənib.

Arduç: "Heç vaxt evli olmamışam. Kiminlə boşanacağımı da bilmirəm. Vəkilimdən soruşdum və dedi ki, məktubu hazırlayan məmur səhv etmiş ola bilər. Bir sevgilim var, bunu ona necə izah edəcəyimi bilmirəm. Eşidəndə əvvəlcə mənə əsəbiləşdi, hətta mübahisə etdik. Amma indi hər şey yaxşıdır", - deyə bildirib.

Telegramda izləyin